APPENDIX II.

MISSE PRO DEFUNCTIS.

Secundum Ritum Romanum.

IN COMMEMORATIONE OMNIUM FIDELIUM DEFUNCTORUM.

Introitus. Requiem æternam dona eis Domine; et lux perpetua luceat eis. Ps. lxiv. Te decet hymnus Deus in Sion; et tibi reddetur votum in Jerusalem: exaudi orationem meam; ad te omnis caro veniet.

Deinde absolute repetitur Requiem æternam usque ad Psalmum.

Oratio. Fidelium Deus omnium Conditor et Redemptor, animabus famulorum famularumque tuarum remissionem cunctorum tribue peccatorum: ut indulgentiam, quam semper optaverunt, piis supplicationibus consequantur. Qui vivis et regnas cum. Deo Patre.

51:

Lectio Epistolæ beati Pauli Apostoli ad Corinthios 1, c. xv. Fratres Ecce mysterium vobis dico Deo autem gratias, qui dedit nobis victoriam per Dominum nostrum Jesum Christum.

Graduale. Requiem æternam dona eis Domine; et lux perpetua luceat eis.

V. Ps. cxii. 6, 7. In memoria æterna erit justus; ab auditione mala non timebit.

Tractatus. Absolve, Domine, animas omnium fidelium defunctorum ab omni vinculo delictorum.

V. Et gratia tua illis succurrente, mereantur evadere judicium ultionis.

V. Et lucis æternæ beatitudine perfrui.

Sequentia.

Huic ergo parce, Deus;
Pie Jesu Domine,

Dona eis requiem. Amen.

Sequentia sancti Evangelii secundum Johannem, c. v. 25—29: In illo tempore: Dixit Jesus in resurrectionem judicii.

Offertorium. Domine Jesu Christi, Rex gloriæ, libera animas omnium fidelium defunctorum de pœnis inferni, et de profundo lacu libera eas de ore leonis, ne absorbeat eas tartarus, ne cadant in obscurum; sed signifer sanctus Michael repræsentet eas in lucem sanctam :* Quam olim Abrahæ promisisti, et semini ejus. V. Hostias et preces tibi Domine, laudis offerimus: tu suscipe pro animabus illis, quarum hodie memoriam facimus: fac eas Domine de morte transire ad vitam.* Quam olim Abrahæ promisisti, et semini ejus.

Secreta. Hostias, quæsumus Domine, quas tibi pro animabus famulorum famularumque tuarum offerimus, propitiatus intende: ut, quibus Fidei Christianæ meritum contulisti, dones et præmium. Per Dominum.

Communio. Lux æterna luceat eis, Domine,* Cum Sanctis tuis in æternum, quia pius es. V. Requiem æternam dona eis Domine : et lux perpetua luceat eis.* Cum Sanctis.

Postcommunio. Animabus, quæsumus Domine, famulorum famularumque tuarum, oratio proficiat supplicantium: ut eas et a peccatis omnibus exuas, et tuæ redemptionis facias esse participes. Qui vivis.

Dicto Dominus vobiscum, dicitur Requiescant in pace. R. Amen. Et non datur Benedictio: sed dicto secreto Placeat tibi, Sancta Trinitas, et osculato altari, legitur Evangelium S. Joannis. In principio erat Verbum, ut moris est.

IN DIE OBITUS, SEU DEPOSITIONIS DEFUNCTI.

Introitus. Requiem æternam dona eis, Domine; et lux perpetua luceat eis. Ps. Te decet hymnus Deus in Sion; et tibi reddetur votum in Jerusalem; exaudi orationem meam, ad te omnis caro veniet. Requiem.

Oratio. Deus, qui proprium est misereri semper et parcere, te supplices exoramus pro anima famuli tui N. quam hodie de hoc sæculo migrare jussisti: ut non tradas eam in manus inimici, neque obliviscaris in finem, sed jubeas eam a sanctis Angelis suscipi, et ad patriam Paradisi perduci; ut, quia in te speravit et credidit, non pœnis inferni sustineat, sed gaudia æterna possideat. Per Dominum nostrum.

Lectio Epistola beati Pauli Apostoli ad Thessalonicenses 1, c. iv. 13-18:

Fratres, Nolumus vos ignorare de dormientibus

Itaque consolamini invicem in verbis istis.

Graduale. Requiem; Tractus. Absolve; et Sequentia dicenda, Dies iræ, ut supra (p. 212).

Sequentia sancti Evangelii secundum Joannem, c. xi. 21-27. quia tu es Christus Filius Dei vivi,

In illo tempore .

qui in hunc mundum venisti.

Offertorium. Domine Jesu Christe, ut supra (p. 213).

Secreta. Propitiare, quæsumus Domine animæ famuli tui N. pro qua hostiam laudis tibi immolamus, Majestatem tuam suppliciter deprecantes: ut per hæc piæ placationis officia, pervenire mereatur ad requiem sempiternam. Per Dominum.

Communio. Lux æterna, ut supra (p. 213).

Postcommunio. Præsta, quæsumus, omnipotens Deus: ut anima famuli tui N. quæ hodie de hoc sæculo migravit, his sacrificiis purgata, et a peccatis expedita, indulgentiam pariter et requiem capiat sempiternam. Per Dominum.

In die tertio, septimo, et trigesimo depositionis Defuncti, dicitur Missa ut supra exceptis Orationibus, quæ dicuntur ut infra :

Oratio. Quæsumus, Domine, ut animæ famuli tui N. cujus depositionis diem tertium (vel septimum) (vel trigesimum) commemoramus, Sanctorum atque electorum tuorum largiri digneris

consortium et rorem misericordiæ tuæ perennem infundas. Dominum nostrum.

Secreta. Munera, quæsumus Domine, quæ tibi pro anima famuli tui N. offerimus, placatus intende: ut remediis purgata cœlestibus, in tua pietate requiescat. Per Dominum.

Postcommunio.

Suscipe, Domine, preces nostras pro anima famuli tui N. ut, si quæ ei maculæ de terrenis contagiis adhæserunt, remissionis tuæ misericordia deleantur. Per Dominum.

IN ANNIVERSARIO DEFUNCTORUM.

Introitus. Requiem æternam dona eis, Domine; et lux perpetua luceat eis. Ps. Te decet hymnus Deus in Sion, et tibi reddetur votum in Jerusalem; exaudi orationem meam, ad te omnis caro veniet. Requiem æternam.

Oratio. Deus, indulgentiarum Domine, da animabus famulorum famularumque tuarum, quorum aniversarium depositionis diem commemoramus refrigerii sedem, quietis beatitudinem, et luminis claritatem. Per Dominum.

Si pro uno fiat anniversarium, dicatur sequens :

Oratio. Deus, indulgentiarum Domine, da animæ famuli tui, (vel famulæ tuæ) cujus anniversarium depositionis diem commemoramus, refrigerii sedem, quietis beatitudinem, et luminis claritatem. Per Dominum.

Lectio libri Machabæorum 2, c. xii. :

In diebus illis. Vir fortissimus Judas

ut a peccatus,

solvantur.

Graduale, Requiem, Tractus, Absolve, et Sequentia, Dies ira ut supra (p. 212).