Fluminis intrâstis ripas, portuque sedetis; Ne fugite hospitium; neve ignorate Latinos Saturni gentem, haud vinclo nec legibus æquam, Sponte suâ, veterisque dei se more tenentem. Atque equidem memini (fama est obscurior annis) Auruncos ita ferre senes; his ortus ut agris Dardanus Ideas Phrygiæ penetrârit ad urbes, Threïciamque Samum, quæ nunc Samothracia fertur. Hinc illum Corythi Tyrrhenâ ab sede profectum Aurea nunc solio stellantis regia cœli Accipit, et numerum divorum altaribus addit.
Dixerat; et dicta Ilioneus sic voce secutus: Rex, genus egregium Fauni, nec fluctibus actos Atra subegit hiems vestris succedere terris; Nec sidus regione viæ littusve fefellit.
Consilio hanc omnes animisque volentibus urbem Afferimur, pulsi regnis, quæ maxima quondam Extremo veniens sol adspiciebat Olympo.
Ab*Jove principium generis; Jove Dardana pubes fuit Gaudet avo: rex ipse, Jovis de gente supremâ, Troïus Æneas tua nos ad limina misit. Quanta-per Idæos sævis effusa Mycenis Tempestas ierit campos, quibus actus uterque Europæ atque Asia fatis concurrerit orbis, Audiit, et si quem tellus extrema refuso
Submovet oceano, et si quem extenta plagarum Quatuor in medio dirimit,plaga solis iniqui. Diluvio ex illo tot vasta per æquora vecti,
Dis-sedem exiguam patriis, littusque rogamus
Innocuum, et cunctis undamque auramque patentem.
Non erimus regno indecores; nec vestra feretur Fama levis, tantive abolescet gratia facti; Nee-Trojam Ausonios gremio excepisse-pigebit. Fata per Æneæ juro, dextramque potentem,. Sive fide, seu quis bello est expertus et armis; Multi nos populi, multæ (ne temne quòd ultro Præferimus manibus vittas ac verba precantia) Et petiêre sibi et voluêre adjungere-gentes. Sed nos fata deûm vestras exquirere terras Imperiis egêre suis. Hinc Dardanus ortus Huc repetit; jussisque ingentibus urget Apollo Tyrrhenum ad Tybrim et fontis vada sacra Numici. Dat tibi præterea fortunæ parva prioris
Munera, reliquias Trojâ ex ardente receptas.
Hoc pater Anchises auro libabat ad aras :
Hoc Priami gestamen erat, quum jura vocatis More daret populis; sceptrumque, sacerque tiaras, Iliadumque labor vestes. multorum Talibus Ilionei dictis, defixa Latinus Obtutu tenet ora, soloque immobilis hæret, Intentos volvens oculos: nec purpura regem Picta movet, nec sceptra movent Priameïa tantùm, Quantùm in connubio nata thalamoque moratur : Et veteris Fauni volvit sub pectore sortem. Hunc illum fatis externâ ab sede profectum Portendi generum, paribusque in regna vocari Auspiciis; huic progeniem virtute futuram hamer. Egregiam, et totum quæ viribus occupet orbem. Tandem lætus ait: Dî nostra incepta secundent, Auguriumque suum. Dabitur, Trojane, quod optas. Munera nec sperno. Non vobis, rege Latino, Divitis uber agri Trojæve opulentia deerit. Ipse modò Æneas (nostri si tanta cupido est, Si jungi hospitio properat, sociusque vocari,) Adveniat; vultus neve exhorrescat amicos. Pars mihi pacis erit dextram tetigisse tyranni. Vos contrà regi mea nunc mandata referte. Est mihi nata, viro gentis quam jungere nostræ, Non patrio ex adyto sortes, non plurima cœlo Monstra sinunt: generos externis affore ab oris, Hoc Latio restare canunt, qui sanguine nostrum Nomen in astra ferant. Hunc illum poscere fata Et reor, et, si quid veri mens augurat, opto. Hæc effatus, equos numero pater eligit.omni: Stabant ter centum nitidi in præsepibus altis. Omnibus extemplò Teucris jubet ordine duci Instratos ostro alipedes pictisque tapetis. Aurea pectoribus demissa monilia pendent :
Tecti auro, fulvum mandunt sub dentibus aurum.
Absenti Æneæ currum geminosque jugales,
Semine ab ætherio, spirantes naribus ignem,
Illorum de gente patri quos Dædala Circe Suppositâ de matre nothos furata creavit. Talibus Æneadæ donis dictisque Latini Sublimes in equis redeunt, pacemque reportant. Ecce autem Inachiis sese referebat ab Argis Sæva Jovis conjux, aurasque invecta tenebat; Et lætum Ænean classemque ex æthere longo
Dardaniam Siculo-prospexit ab usque Pachyno. Moliri jam tecta videt, jam fidere terræ, Deseruisse rates: stetit acri fixa dolore. Tum, quassans caput, hæc effundit pectore dicta : Heu stirpem invisam! et fatis contraria nostris Fata Phrygum! num Sigeis occumbere campis, Num capti potuêre capi? num incensa cremavit Troja viros? medias acies mediosque per ignes Invenêre viam. At, credo, mea numina tandem Fessa jacent, odiis aut exsaturata quievi. Quin etiam patriâ excussos infesta per undas Ausa sequi, et profugis toto me opponere ponto. Absumptæ in Teucros vires cœlique marisque. Quid Syrtes, aut Scylla mihi, quid vasta Charybdis Profuit? optato conduntur Tybridis alveo,
Securi pelagi, atque mei. Mars perdere gentem
Immanem Lapithûm valuit: concessit in iras
Ipse deûm antiquam genitor Calydona Dianæ.
Quod scelus aut Lapithas tantum, aut Calydona merentem ?
Ast ego, magna Jovis conjux, nil linquere inausum
Quæ potui infelix, quæ memet in omnia verti,
Vincor ab Eneâ. Quòd si mea numina non sunt
Magna satìs, dubitem haud equidem implorare quod
Flectere si nequeo Superos, Acheronta movebo. Non dabitur regnis (esto) prohibere Latinis, Atque immota manet fatis Lavinia conjux :
At trahere, atque moras tantis licet addere rebus; At licet amborum populos exscindere regum. Hâc gener atque socer coëant mercede suorum. Sanguine Trojano et Rutulo dotabere, virgo Et Bellona manet te pronuba. Nec face fantùm Cisseïs prægnans ignes enixa jugales; Quin idem Veneri partus suus, et Paris alter, Funestæque iterum recidiva in Pergama tædæ.
Hæc ubi dicta dedit, terras horrenda petivit. Luctificam Allecto dirarum ab sede dearum Infernisque ciet tenebris; cui tristia bella, Iræque, insidiæque, et crimina noxia cordí. Odit et ipse pater Pluton, odêre sorores
Tartarea monstrum: tot sese vertit in ora, Tam sævæ facies, tot pullulat atra colubris. Quam Juno-his acuit verbis, ac talia fatur:
Hunc mihi da proprium, virga sata Nocte, laborem,
Hanc operam; ne noster honos infractave cedat Fama loco; neu connubiis ambire Latinum Eneada possint, Italosve obsidere fines. Tu potes unanimos armare in prælia fratres, Atque odiis versare domos: tu verbera tectis Funereasque inferre faces: tibi nomina mille, Mille nocendi artes: fœcundum concute pectus, Disjice compositam pacem, sere crimina belli : Arma velit, poscatque simul, rapiatque juventus. < Exin Gorgoneis Allecto infecta venenis Principio Latium et Laurentis tecta tyranni Celsa petit, tacitumque obsedit limen Amatæ : Quam super adventu Teucrûm, Turnique hymenæis, Fœmineæ ardentem curæque iræque-coquebant. Huic dea cæruleis unum de crinibus anguem Conjicit, inque sinum præcordia ad intima subdit, Qub furibunda domum monstro permisceat omnem. Ille inter vestes et levia pectora lapsus Volvitur attactu nullo, fallitque furentem, Vipeream inspirans animam: fit tortile collo Aurum ingens coluber; fit longæ tænia vittæ, Innectitque comas, et membris lubricus errat. Ac dum prima lues udo sublapsa veneno Pertentat sensus, atque ossibus implicat ignem, Necdum animus toto percepit pectore flammam, Molliùs, et solito matrum de more, locuta est, Multa super natâ lacrymans, Phrygiisque hymenæis : Exsulibusne datur ducenda Lavinia Teucris,
O genitor? nec te miseret natæque, tuique? Nec matris miseret, quam primo aquilone relinquet Perfidus, alta petens abductâ virgine, prædo? At non sic Phrygius penetrat Lacedæmona pastor, Ledæamque Helenam Trojanas vexit ad urbes ? Quid tua sancta fides, quid cura antiqua tuorum, Et consanguineo toties data dextera Turno ? Si gener externâ petitur de gente Latinis, Idque sedet, Faunique premunt te jussa parentis; Omnem equidem sceptris-terram quæ libera-nostris Dissidet externam reor, et sic dicere divos. Et Turno, si prima domûs repetatur origo, Inachus Acrisiusque patres, mediæque Mycena. His ubi nequidquam dictis experta Latinum
Contrà stare videt, penitùsque in viscera lapsum £37
Serpentis furiale malum, totamque pererrat; Tum verò infelix, ingentibus excita monstris, Immensam sine more furit lymphata per urbem: Ceu quondam torto volitans sub verbere turbo, Quem pueri magno in gyro vacua atria circum Intenti ludo exercent; ille actus habenâ Curvatis fertur spatiis: stupet inscia suprà Impubesque manus, mirata volubile buxum : Dant animos plaga. Non cursu segnior illo Per medias urbes agitur, populosque feroces. Quin etiam in silvas, simulato numine Bacchi, Majus adorta nefas, majoremque orsa furorem, Evolat; et natam frondosis montibus abdit;
Quò thalamum eripiat Teucris, tædasque moretur : Evoë Bacche, fremens, solum te virgine dignum Vociferans: etenim molles tibi sumere thyrsos, Te lustrare choro, sacrum tibi pascere crinem. Fama volat furiisque accensas pectore matres Idem omnes simul ardor agit nova quærere tecta. Deseruêre domos: ventis dant colla comasque. Ast aliæ tremulis ululatibus æthera complent, Pampineasque gerunt incinctæ pellibus hastas. Ipsa inter medias flagrantem fervida pinum Sustinet, ac natæ Turnique canit hymenæos,
Sanguineam torquens aciem; torvumque repentè e.
Clamat: Io matres, audite ubi quæque, Latinæ,
Si qua piis animis manet infelicis Amatæ
Gratia, si juris-materni-cura remordet;
Solvite crinales vittas, capite orgia mecum. Talem inter silvas, inter deserta ferarum,
Reginam Allecto stimulis agit undique Bacchi.
Postquam visa satìs primos acuisse furores,
Consiliumque omnemque domum vertisse Latini; Protenus hinc fuscis tristis dea tollitur alis
Audacis Rutuli ad muros, quam dicitur urbem
Acrisioneis Danaë fundâsse colonis,
Præcipiti delata noto: locus Ardea quondam
Dictus avis, et nunc magnum manet Ardea nomen :
Sed fortuna fuit. Tectis hîc Turnus in altis Jam mediam nigrâ carpebat nocte quietem. Allecto torvam faciem et furialia membra Exuit in vultus sese transformat aniles, Et frontem obscoenam rugis arat: induit albos
« AnteriorContinuar » |