Ad juga cogit equos, clypeumque auroque trilicem Loricam induitur, fidoque accingitur ense.
Pandite nunc Helicona, Dex, cantusque movete; Qui bello exciti reges; quæ quemque secutæ Complêrint campos-acies; quibus Itala jam tum Floruerit terra alma viris; quibus arserit armis. Et meministis enim, Divæ, et memorare potestis: Ad nos vix tenuis famæ perlabitur aura.
Primus init bellum Tyrrhenis asper ab oris Contemptor divûm-Mezentius, agminaque armat. Filius huic juxtà Lausus, quo pulchrior alter Non fuit, excepto Laurentis corpore Turni. Lausus, equûm domitor, debellatorque ferarum, Ducit Ágyllinâ nequidquam ex urbe secutos Mille viros; dignus patriis qui latior esset Imperiis, et cui pater haud Mezentius esset.
Post hos insignem palmâ per gramina currum
Victoresque ostentat equos satus Hercule pulchro
Pulcher Aventinus; clypeoque, insigne paternum,
Centum angues, cinctamque gerit serpentibus hydram : Collis Aventini silvâ quem Rhea sacerdos
Furtivum partu sub-luminis edidit-oras,
Mixta deo mulier, postquam Laurentia victor, Geryone exstincto, Tirynthius attigit arva, Tyrrhenoque boves in flumine lavit Iberas. Pila manu sævosque gerunt in bella dolones; Et tereti pugnant mucrone, veruque Sabello. Ipse pedes, tegumen torquens immane leonis, Terribili impexum setâ, cum dentibus albis, Indutus capiti: sic regia tecta subibat Horridus, Herculeoque humeros innexus amictu. Tum gemini fratres Tiburtia monia linquunt,
Fratris Tiburti dictam cognomine gentem, Catillusque acerque Coras, Argiva juventus; Et primam ante aciem densa inter tela feruntur :
Ceu duo-nubigenæ quum vertice montis ab alto fill Descendunt-Centauri, Homolen Othrymque nivalém Linquentes cursu rapido: dat euntibus ingens Silva locum, et magno cedunt virgulta fragore. Nec Prænestinæ fundator defuit urbis, Vulcano genitum pecora inter agrestia regem, Inventumque focis, omnis quem credidit ætas, Cæculus. Hunc legio latè comitatur agrestis;
Quique altum Præneste viri, quique arva Gabinæ Junonis, gelidumque Anienem, et roscida rivis Hernica saxa colunt; quos, dives Anagnia, pascis ; Quos, Amasene pater. Non illis omnibus arma, Nec clypei currusve sonant: pars maxima glandes Liventis plumbi spargit: pars spicula gestat Bina manu; fulvosque lupi de pelle galeros Tegmen habent capiti; vestigia nuda sinistri Instituêre pedis, crudus tegit altera pero.
At Messapus equûm domitor, Neptunia proles, Quem neque fas igni cuiquam nec sternere ferro, Jam pridem resides populos desuetaque bello Agmina in arma vocat subitò, ferrumque retractat. Hi Fescenninas acies, quosque Faliscos; Hi Soractis habent arces, Flaviniaque arva, Et Cimini cum monte lacum, lucosque Capenos. Ibant æquati numero, regemque canebant : Ceu quondam nivei liquida inter nubila cycni, Quum sese e pastu referunt, et longa canoros
Dant per colla modos; sonat amnis, et Asia longè Pulsa palus.
Nec quisquam æratas acies ex agmine tanto
Misceri putet; aëriam sed gurgite ab alto
Urgeri volucrum raucarum ad littora nubem. Ecce Sabinorum prisco de sanguine magnum Agmen agens Clausus, magnique ipse agminis instar, Claudia nunc a quo diffunditur et tribus et gens Per Latium, postquam in partem data Roma Sabinis. Unâ ingens Amiterna cohors, priscique Quirites, Ereti manus omnis, oliviferæque Mutuscæ;
Qui Nomentum urbem, qui rosea rura Velini, Qui Tetricæ horrentes rupes, montemque Severum, Casperiamque colunt, Forulosque, et flumen Himella; Qui Tybrim Fabarimque bibunt; quos frigida misit Nursia, et Hortinæ classes, populique Latini; Quosque secans infaustum interluit Allia nomen : Quàm multi Libyco volvuntur marmore fluctus, Sævus ubi Orion hibernis conditur undis; Vel quàm sole novo dense torrentur aristæ, Aut Hermi campo, aut Lycia flaventibus arvis. Scuta sonant, pulsuque pedum conterrita tellus.
Hinc Agamemnonius, Trojani nominis hostis, Curru jungit Halesus equos, Turnoque feroces Mille rapit populos: vertunt felicia Baccho
Massica qui rastris, et quos de collibus altis Aurunci misêre patres, Sidicinaque juxtà Equora, quique Cales linquunt, amnisque vadosi Accola Vulturni, pariterque Saticulus asper, Oscorumque manus. Teretes sunt aclydes illis Tela, sed hæc lento mos est aptare flagello; Lævas cætra tegit; falcati comminus enses.
Nec tu carminibus nostris indictus abibis, Ebale, quem generâsse Telon Sebethide nymphâ Fertur, Teleboûm Capreas quum-regna teneret Jam senior; patriis sed non et filius arvis Contentus, latè jam tum ditione premebat Sarrastes populos, et quæ rigat æquora Sarnus,
Quique Rufras, Batulumque tenent, atque arva Celennæ,
maliferæ despectant monia Abellæ :
Teutonico ritu soliti torquere cateias;
Eratæque micant peltæ, micat æreus ensis.
Et te montosæ misêre in prælia Nersæ,
Tegmina queis capitum raptus de suberé cortex; *
Ufens, insignem famâ et felicibus armis; Horrida præcipuè cui gens, assuetaque multo Venatu nemorum, duris Aquicula glebis : Armati terram exercent, semperque recentes Convectare juvat prædas, et vivere rapto.
Quin et Marrubiâ venit de gente sacerdos, Fronde super galeam et felici comptus olivâ, Archippi regis missu, fortissimus Umbro: Vipereo generi et graviter spirantibus hydris Spargere qui somnos cantuque manuque solebat, Mulcebatque iras, et morsus arte levabat. Sed non Dardaniæ medicari cuspidis ictum Evaluit; neque eum juvêre in vulnera cantus Somniferi, et Marsis quæsitæ montibus herbæ. Te nemus Anguitiæ, vitreâ te Fucinus undâ, Te liquidi flevêre lacus.
Ibat et Hippolyti proles pulcherrima bello Virbius; insignem quem mater Aricia misit, Eductum Egeria lucis, humentia circum Littora, pinguis ubi et placabilis ara Dianæ. Namque ferunt famâ Hippolytum, postquam arte
Occiderit, patriasque explêrit sanguine pœnas Turbatis distractus equis, ad sidera rursus Ætheria et superas cœli venisse sub auras,
Pæoniis revocatum herbis et amore Dianæ.
Tum pater omnipotens, aliquem indignatus ab umbris
Mortalem infernis ad lumina surgere vitæ,
Ipse-repertorem medicinæ talis et artis
Fulmine Phobigenam Stygias-detrusit ad undas. At Trivia Hippolytum secretis alma recondit Sedibus, et nymphæ Egeriæ nemorique relegat; Solus ubi in silvis Italis ignobilis ævum Exigeret, versoque ubi nomine Virbius esset. Unde etiam templo Trivia lucisque sacratis Cornipedes areentur equi, quòd littore currum Et juvenem monstris pavidi effudêre marinis. Filius ardentes haud seciùs æquore campi Exercebat equos, curruque in bella ruebat.
Ipse inter primos præstanti corpore Turnus Vertitur, arma tenens, et toto vertice suprà est. Cui triplici crinita jubâ galea alta Chimæram Sustinet, Ætnæos efflantem faucibus ignes :
Tam magis illa fremens et tristibus effera flammis,
Quàm magis effuso crudescunt sanguine pugnæ. At levem clypeum sublatis cornibus Io
Auro insignibat, jam setis obsita, jam bos,
Argumentum ingens, et custos virginis Argus, Cælatâque amnem fundens pater Inachus urnâ. Insequitur nimbus peditum, clypeataque totis Agmina densentur campis, Argivaque pubes, Auruncæque manus, Rutuli, veteresque Sicani, Et Sacranæ acies, et picti scuta Labici; Qui- saltus, Tiberine, tuos, sacrumque Numici Littus arant, Rutulosque exercent vomere colles, Circumque jugum; queis Jupiter Anxurus arvis Præsidet, et viridi gaudens Feronia luco; Quâ Saturæ jacet atra palus, gelidusque-per imas Quærit iter valles atque in mare conditur Ufens.
Hos super advenit Volscâ de gente Camilla, Agmen agens equitum, et florentes ære catervas, Bellatrix: non illa colo calathisve Minervæ Fœmineas assueta manus; sed prælia virgo Dura pati, cursuque pedum prævertere ventos. Illa vel intactæ segetis per summa volaret Gramina, nec teneras cursu læsisset aristas: Vel mare per medium, fluctu suspensa tumenti, Ferret iter, celeres nec tingeret æquore plantas. Illam omnis tectis agrisque effusa juventus
Turbaque miratur matrum, et prospectat euntem, Attonitis inhians animis; ut regius ostro Velet honos leves humeros; ut fibula crinem Auro internectat; Lyciam ut gerat ipsa pharetram, Et pastoralem prefixâ cuspide myrtum.
Ur belli signum Laurenti Turnus ab arce Extulit, et rauco strepuerunt cornua cantu, Utque acres concussit equos, utque impulit arma; Extemplò turbati animi; simul omne tumultu Conjurat trepido Latium, sævitque juventus Effera. Ductores primi, Messapus, et Ufens, Contemptorque deûm Mezentius, undique cogunt Auxilia, et latos vastant cultoribus agros. Mittitur et magni Venulus Diomedis ad urbem, Qui petat auxilium, et Latio consistere Teucros, Advectum Ænean classi, victosque Penates Inferre, et fatis regem se dicere posci, Edoceat, multasque viro se adjungere gentes Dardanio, et latè Latio increbrescere nomen : Quid struat his cœptis, quem, si fortuna sequatur, Eventum pugnæ cupiat, manifestiùs ipsi, Quàm Turno regi aut regi apparere Latino.
Talia per Latium: quæ Laomedontius heros Cuncta videns, magno curarum fluctuat æstu,
Atque animum nunc huc celerem, nunc dividit illuc, In partesque rapit varias, perque omnia versat. Sicut aquæ tremulum labris ubi lumen ahenis, Sole repercussum, aut radiantis imagine lunæ, Omnia pervolitat latè loca; jamque sub auras Erigitur, summique ferit laquearia tecti. Nox erat, et terras animalia fessa per omnes, Alituum pecudumque genus, sopor altus habebat; Quum pater in ripâ gelidique sub ætheris axe Eneas, tristi turbatus pectora bello,
Procubuit, seramque dedit per membra quietem. Huic deus ipse loci, fluvio Tiberinus.amono, Populeas inter senior se attollere frondes
« AnteriorContinuar » |