This ilk Hamtone of quhome to 30w I schew,
Within the palice of the king he slew
That samin man befoir that hurt him hed,
In Scotland syne to king Robert him sped,
And all the maner of this thing he schew.
This nobill king quhen that he hard and knew,
Throw greit kyndnes of him and of his querrell, 51,005
For luif of him pat him self in sic perrell,
Resauit him richt hartlie with gude will,
Greit proffeit als and plesour did him till,
In sindrie tyme with mony greit reward.
In Cliddisdaill he maid him syne ane laird
Of braid landis that callit war Cadzow,
The quhilk his airis this da brukis now;
That changit ar now of thame and thair landis,
Bayth name and surname, this tyme as it standis,
To Hamiltoun, quhilk men ar of greit gude.
Tha ar principall now of the kingis blude;
The erle of Arrane, lord of Hammiltoun,
Evin thrid, and thrid to him weiris the croun.
HOW KING EDWARD WAS ABUSIT BE CERTANE
MENNIS EUILL COUNSALL, AND THAIREFTER
PRESONIT AND SUFFERIT ANE CRUELL Deid,
AND HIS COUNSALLOURIS HANGIT.
Sone efter this that ze [now] heir me tell,
Harkin and heir sic aduenture befell.
Into Ingland that same tyme of the new,
This king Edward of quhome befoir I schew,
Be his sone Edward and his quene also,
With the counsall of mony vther mo,
Wes tane that tyme becaus that he refusit
Gude counsall ay, and partiall counsall vsit,
Quhilk causit him, as my author did tell,
Bayth wyfe and freindis fra him to repell.
Be ane wes callit Hew Spensar to name,
Of sempill birth and of far lawar fame,
Ane vther als, hecht Johnne of Arandale,
Of Eccister the bischop als but faill,
Quhilk callit wes Walter of Stabiltoun,
Thir war the thre that misgydit the croun,
Quhilk for thair gilt war all thre maid till
hang.
The king him self put in ane presone strang,
Quhair efterwart, as ze sall wnderstand,
As his sone Edward gaif thame in command,
Thair wes he slane that same tyme wait зе
Of this fassoun as I sall schaw 30w now,
To all Ingland it wes greit schame and lak.
Tha laid him doun wyde opin on his bak,
And on his briest ane burd bayth braid and lang,
Syne forcelie doun to the erd him thrang.
Of that injure tha war scantlie content,
Ane pype of bras sone in his fundiment
Vp in his breist amang his bowellis threw;
Ane reid hett irne syne, as my author schew,
Vp throw the pyip vp in his breist tha buir.
The fervent heit, quhilk he mycht not induir,
Aboundit so without ony remeid,
Out throw his bowellis brint him to the deid;
For-quhy that he gude counsall oft refusit,
And priuat counsall of sic men ay vsit.
Richt gude it war till ony prince or king,
Gif that he list in honour for to ring,
With wyse counsall him to convoy and gyde,
Of men of gude and at thair counsall byde,
And leif counsall of euill aduysit men.
And do he nocht, it is richt eith to ken,
It sall mak him sone efter for to rew,
As ze ma se be exempillis anew,
In all tymes quhilk bene hard and sene
Of mony ane befoir oure tyme hes bene.
51,115 Lib.14, f. 231. Col. 1.
HOW EDWARD, HIS SONE, RANG EFTER HIM KING
OF INGLAND, AND SEND FOR PEAX TO KING
ROBERT BRUCE WNDER CULLOUR AND DIS-
SAIT, AND HOW ERLE THOMAS RANDELL AND
SCHIR JAMES DOUGLAS ENTERIT IN INGLAND
WITH ANE GREIT ARMIE.
Quhen endit was the dais of this king,
His sone Edward that efterwart did ring,
Of Wyndisoyre, the thrid king of that name,
To king Robert quhair that he wes at hame
Ane herald send, quhilk trewis with him tuke,
Wnder cullour, as I fynd in my buke,
Quhill efterwart that he his tyme mycht se
For weir and battell to provydit be.
Or passit wes ane schort part of tha trewis,
Out of Ingland rycht mony smaik and schrewis
Into Scotland king Edward send, but leis,
In that purpois for to perturbe the peice,
Sum on the nycht and sum als on the da,
Bayth staw and reft richt mekle gude awa.
Quhen this falsheid wes to king Robert kend,
Erle Thomas Randell gudlie to commend,
His sister sone, hes maid reddie till go,
Schir James of Douglas with him than also,
With threttie thousand that war bald and wycht.
Erle Thomas Randell, and the nobill knycht
Schir James of Douglas in his cumpany,
Sic tua captanis wes nocht wnder the sky
Ouir all Ewrop levand in thair dais,
No it sensyne as that richt mony sais,
Enterit in Ingland at the bordour syde.
With grit power thir nobill men did ryde,
Distroyand all befoir thame that tha fand,
With fyre and blude ouir all Northumberland:
Fra eist to west ouir all tha boundis braid,
Without ganestand richt greit distructione maid;
Kow nor calf, nor cok to craw thame da,
Tha left richt nocht that micht be tursit awa.
Than king Edward that busteous wes and bald,
Of that distructioun quhen he hes hard tald,
Ane hundreth thousand in armour weill cled
On fit and hors out of Lundoun he led,
Of bernis bald that semelie war till se,
Of that injure for to revengit be,
With greit dispyte wes done him of the new.
The Scottismen that weill his cuming knew,
Fra place to place so spedelie tha past,
The Inglismen quhilk micht nocht follow fast,
For greit carrage and mekle vther gude
Tursit with thame into that multitude,
For no devyss than that tha doucht to mak,
The Scottismen be no way micht ouirtak.
Than suddantlie tha soucht ane vther wyle,
That subtill wes, the Scottis to begyle,
Out of thair boundis for to gar thame pas.
This king Edward, with [the] power he was,
Richt suddantly diuysit for to ryde,
To birne and sla vpone the bordour syde,
Within Scotland thair partie till persew,
To caus the Scottis to cum and reskew
Thair landis, thair guidis, and thair freindis
And leif Ingland quhairin tha did greit skaith. 51,180
Off aduenture that same tyme hapnit syne,
As tha come all wnto the water of Tyne,
The flude it grew so greit of spait that tyde,
Thair doucht na hors ouir that water to ryde,
No zit na freik that saifflie ouir mycht found,
Without that tyme baith hors and man wer
dround.
That flude was waxit so than with the rane,
That force it wes thair till byde and remane,
And thoill the Scottis but stop or ganestand
Bayth birne and sla ouir all Northumberland,
As lykit thame, at thair plesour and will,
Quhair tha micht nocht than mak reskew thame till. Eik the Scottis mouit than in so far,
That none micht wit perfitlie quhair tha war.
Quhairof king Edward thocht greit schame and 51,195 lak,
And for that caus gart proclamatioun mak,
Ouir all his oist quhat euir he wes wald spy
The Scottis ost quhat feild tha did in ly,
Richt greit reward for his travell suld haif,
And thankis als quhilk sould nocht be till craif. 51,200
To win reward tha zeid on euirilk hand
Full mony spy out throw Northumberland,
To seik the camp quhair the Scottis did ly;
So at the last thair come to him ane spy,
Quhilk schew to him into the samin quhile,
Wnder ane crag within les nor ane myle
The Scottis la in gude ordour that tyde,
And manfullie thocht bargane for to byde.
Quhen king Edward this ilk report did heir,
With all his ost approchit hes richt neir
Wnto the place quhairat the Scottis la;
Syne on the morne, sone efter it wes da,
Apperit hes into the Scottis sicht
With mony berne all into armour bricht.
Siclike the Scottis, on the tother syde,
Arrayit war thair battell for to byde
Within ane strenth, as 3e sall wnderstand,
Ane craig that had that tyme on the tane hand,
Ane mos also vpoun the tother syde,
With mony dubbis that war bayth deip and
The Inglismen, thocht the Scottis war few,
Within that strenth tha durst nocht thame persew;
|