« AnteriorContinuar »
Qubilk quietlie in Catnes on ane da,
Or euir tha wist, come quhair tha schipis la;
And suddantlie, with greit malice and yre,
Tha schippis all tha brint intill ane fyre;
And all the schipmen thairin that tha fand, 43,770
Tha slew thame all without ony demand;
Syne still remanit in the samin place,
Quhill efterwart as ^e sail heir the cace.
As 1 haif said thir schippis beand lost,
That samin tyme king Williame with ane ost, 43,775
Or euir tha wist, come into Murraland,
Aganis quhome tha durst mak no ganestand;
With all the haist into the tyme tha hed,
Throw Ross to Catnes to thair schippis fled,
Trowand to fynd thair schippis at the schoir, 43,7S0
In the same place quhair tha left thame befoir.
Quhen tha come thair and fand it wes nocht so,
Remanit thair and durst na forder go;
Neirby ane wod tha ludgit all that nycht.
Syne on the morne be that the da wes lycht, 43,7S5
This king Williame come to the samin place,
The quhilk all nycht had follouit on the chace.
The men of weir that brint thair schippis befoir,
In gude array come raikand fra the schoir
Behind thair bak, and wald no langar byde; 43,790
King Williame als vpoun the tother syde,
With mony man of greit nobillitie,
And gif thame nother tyme nor place to fle.
Than war tha lost thocht tha had bene far ma,
Thair wes nothing that tyme bot tak and sla. 43,795
Of thame that da slane war mony one,
And all the laif in handis alss wer tone;
Syne on ane gallous maid ilkone to die,
The maister men aboue the laif richt hie,
Gat sic reward as tha seruit to haif, 43,S00
In tyme to cum quhairby that all the laif
Ane suith exempill by sic thing mycht tak,
Agane thair king sic insolence to inak.
This beand done with sic honour and fame,
With all his oist king Williame turnit hame; 43,S05
On till Arbroth neirby his gait that la,
Quhair he befoir foundit that richt abba,
As he wes wont richt oft to do befoir,
Requeistit hes his workmen les and moir,
With diligence ay to thair laubour gang, 43,S10
Of all that -werk that nothing suld go wrang.
Quhen this wes done as te haif hard me tell,
Tak tent and heir quhat efterwart befell.
Sone efter thxat king Williame on ane day,
Than fra A.rbroth rydand furth the way, 43,S1c
Besyde V»^Tn saw ane ald man and ane hair,
Neirby the gait wes makand dykis thair,
Delfand full fast with ane spaid in his hand,
For febilnes scant on his feit mycht stand,
Befoir sic thing wes neuir wont till do, 43,S20
Thocht neid and force compellit him thairto.
His tua' sonis that war baith Joung and fair,
Proper of persone, plesand and preclair,
In vyle habit siclike that tyme as h»,
With spaid in hand war makand dykis all thre; 43,S25
Tha thocht no ill to wirk and weir sic weid,
For to releif than- father of his neid.
This nobill king quhen he beheld tha thre,
Greit pitie tad than of thair pouertie;
That agit man he thocht richt sone suld irk, 43,S30
For falt of mister that so soir did wirk;
His tua sonis so plesand tha war and fair,
Thocht tha had bene ane prince or kingis air,
For so greit neid and mister that tha hed,
To wirk so soir in sic vile habit cled. 43,S35
And as the king did luke on to thame so,
This agit man then and his sonis tuo,
Col. 2. Onto the king come rakand on ane race,
Syne laulie doun befoir the kingis face,
On kneis felL This aigit man and hair, 43,S40
That sevintie ^eir of age wea and far mair,
Richt piteouslie than with ane havie cheir,
Said to the king as I sall say ^ow heir:
"O,1 royall prince! gif that thair be in the
"Mercie or reuth, as I traist weill thair be, 43,S45
"Centres or grace, or ^it kyndnes withall,
"For Cristis saik that drank the bitter gall
"Vpoun the crocs, syne sufferit for to de,
"So greit kyndnes to mankynd than hed he,
"To rew on me and of my sonis tuo, 43,S50
"And gif us leif at peice and rest till go
"Into this land oure lyvis to defend,
"With sic laubour onto oure latter end,
"Quhairof," he said, "we may nocht irk no tyre.
"At the," he said, "we list nocht to desyre «,S55
"Lordschip no land, gold, riches no gude;
"Bot gif us laif to wyn oure lyvis fude
"At sic laubour vnpersewit of the,
"Or ony vther of thy auctoritie."
Quhen that the king hard his desire and will, 43,S50
Richt sone agane sic ansuer maid him till:
"Quhat hes thow done, or quhat man may
"So piteouslie that askis grace at me?
Vnto the hevin for to imploir his grace,
1 In MS. Or.
Compellit him aboue the tother part, 43,S70
That tyme to schaw sic thing la in his hart .
Quaikand fot dreid as ony leif of tre,
With piteous voce thir wordis than spak he:
"Vnhappiast this da levand am I
"Of ony one that euir wes borne, for-quhy 43,S75
"Thocht I be now so law and wratchit wicht,
"Sumtyme I wes of greit honour and micht;
"Haiffand all welth at grit plesour perfite,
"Lordschip and land with riches infinite.
"I, Gillecrist, quhat causit me till dude, 43,SS0
"So cruellie into the kingis blude
"In my wodnes to wirk so mekle wrang,
"Withoutin caus my awin wyfe to gar hang!
"Syne for that caus maid exul to thy grace,
"Far furth to fle in Ingland fra thy face, 43,SS5
"Quhair thair [bot] schort quhile I durst well
"With my tua sonis sped me hame agane,
"Quhair we wnknawin micht remane and byde;
"Hunger and force compellit ws till dude. 43,S05 Lib.i.i, f.aoab. "And I myself, so febill now and ald, Col. l.
"Full oft wes fane to drink the water cald,
"In frost and snaw, with wynd and weit amang,
"And draw to toun, as thow thiself hes sene,
"With sic laubour oure lyvis to sustene. 43,905
"Now haif I tald the haill maner and cace,
"Do as ^e will, I put me in ^our grace."
Quhen this wes said, with sad and havie cheir,
Sobbit full soir that harme wes for to heir.
This humbill king, quhen he beheld and saw 43,910
Gude Gilcrist with hair alss quhit as snaw,
Werie forwrocht, and richt weilsum of wane,
Greit reuth in hart had for to heir his mane;
Quhen he considderit also of befoir
The greit wirschip, the honour and the gloir, 43,915
In mony jornay worthelie he wan,
In sic distres quhen that he saw him than,
For puir pitie and greit kyndnes betuene,
The bitter teiris brist frome baith his ene.
And fra his hors discendit haistelie, 43,920
And in his armes hint him vp in hy;
And said to him, "Gude Gilchrist, lat be
"All thi murning, and put thy traist in me.
"All thi offence that thow hes done befoir
"Heir I forgif the now and euirmoir. 43,925
"And thow thiself siclike salbe with me
"Familiar as thow wes wont to be.
"And for thi gilt I think the neuer to greif,
"Thy pouertie also I sall releif."
Quhen this wes said and all thingis we[s] done, 43,930
Thre horss in haist the king has gart fet sone
To Gilchrist and to his sonis tuo,
With him till Forfair causit thame till go.
Syne on the morne befoir all that wes thoir,
All thingis wes done as I haif said befoir 43,935
Be Gillecrist, the greit offence and cryme,
Frelie the king remittit in that tyme;
Als frie befoir as he wes wont to be,
To siclike honour and auctoritie.