And mony vther priuilege thame gaif, That neidfull wes to ony toun to haif. Into this tyme remanis zit to se, That nobill toun of greit auctoritie.
Sone efter this now that ze heir me sa, Of Lundoris the nobill riche abba This erle Dauid, as my author sais, Foundit on Tay, the quhilk in thir dais Religious like ay sensyne hes bene Fra all faltis wnmaculat and clene.
Neir by this tyme the nobill king Richard, Of quhome befoir rycht schort quhile syne ze
The empriour hed in captiuitie,
With greit [ransoun] redemit than wes he. Quhairof his lieges joyfull war and fane, Into Ingland quhen he come hame agane, Ressaueand als his hie magnificence With all honour pertening till ane prince. His bruther Johnne in his absence that buir The pais of all and had the gyde and cuir, Befoir his bruther Richart in that tyme Accusit than wes of ane deidlie cryme. His bruther being in captiuitie,
Richt wranguslie aganis his majestie, With subtill mene and conspiratioun,
Intrusit him self and tuke on him the croun, And lute his bruther for the pledge remane. Quhairof this Johnne hes clengit him rycht plane Befoir thame all that present war that tyme, And schew him saikles of that gilt and cryme.
HOW KING WILLIAME AND ERLE DAUID HIS BRUTHER WITH MONY NOBILL MAN PASSIT TO LUNDOUN TO MEIT AND WELCUM KING RICHART, OF INGLAND KING.
Than quhen king Williame vnderstude and knew, But ony dout as suith men to him schew, That king Richart wes cuming hame agane, Withoutin rest na langar wald remane. Syne with his bruther Dauid maid him boun, And mony nobillis, on to Lundoun toun He passit hes, with greit honour and fame, This ilk king Richart for to welcum hame. Of Stirling money in the same time also, Tua thousand merkis and vther jowellis mo, He had with him king Richart for to gewe, Of his ransoun to help him and releue. This king Richart, as that my author said, Of his cuming richt blyth he wes and glaid, Ressaueand him with greit honour betuene, And all plesance micht till ane prince pertene. For the present that he till him brocht, Richt weill he wist that he forzet him nocht, Quhen that he wes into so greit distres, That schew to him so hartlie sic kyndnes. Of erle Dauid siclike also wes he, Into that tyme als blyth as he micht be, Traistand he had bene tynt for euirmoir, In the greit storme of quhome I tald befoir. Thir tua kingis togidder mony da, Remanit thair with greit sporting and pla; And all solace that neidfull is to haif, Tha wantit nocht quhairof tha list to craue.
OFF KING WILLIAMES SEIKNES IN INGLAND, OF THE STRYIFF AND DEBAIT THAN WAS IN SCOTLAND, AND HOW KING WILLIAME CON- VALESCIT AND COME QUIETLIE IN SCOTLAND, AND APPREHENDIT ALL MISDOARIS AND PUNEIST THAME AS THA DESERUIT.
That samin tyme as 3e sall wnderstand, This king Williame beand in Ingland, On auenture so hapnit him to be
Viseit richt soir with greit infirmitie;
Quhairof the fame ouir all Scotland than flew, Swift as ane swallow, of tha tydenis new, That mony one trowit he had bene deid, Quhilk at thair nichtbour malice had and feid, Than to revenge thair greit anger and ire, With thift and reif, with slauchter and with fyre, Ilkone vther dalie did invaid;
Ouir all Scotland greit heirschip than wes maid. Richt mony theif befoir of force wes leill,
Into that tyme zeid new agane to steill;
And mony revar into glak and glen,
Murdreist and reft richt mony leill trew men. The lord of Catnes, Herald hecht to name, And of Orkna; withoutin dreid or schame, Without conscience into the tyme wes he Als full of vice as ony man micht be; In Ros that tyme with all his power la, Heirschip and slauchter makand euirilk da, Richt cruellie ouir all part far and neir, That horribill wes to ony man to heir. Ane nobill man, as that my author sais, That bischop wes of Catnes in tha dais, For caus that he him tech[i]t in the tyme For to decist fra sic wnhappie cryme,
Schawand to him how efterwart it wald be, This angrie eddar full of iniquitie,
Throw greit invie and birnand ire betuene, With greit dispite gart put out baith his ene.
To king Williame quhen this thing wes maid knawin, Into Ingland as suith men hes him schawin,
Than haill aneuche baith for to ryde and gang,
No tarie maid nor zit lethit rycht lang. Or word suld ryss other be se or land, Richt quietlie he come hame in Scotland; Syne suddanelie with all power he hed, To Ross that tyme richt spedilie him sped; Or this Herald wes done till wnderstand, Gude king Williame wes enterit in that land. Than this Herald with all the speid he hed, Sone out of Ros to Catnes syne he fled, With all his men to mony sindrie place: This nobill king fast followit on the chace, Without tarie quhill tha war all ouirtane, And hynt in handis in that tyme ilkane. Herald thair lord, throw mony subtill wyllis, With waill few men vmschewit to the Ylis, And all the laif, as tha seruit to haif, Rewardit war than be the leist ane knaif. Sone efter syne with men of the same landis, This ilk Herald wes taikin into handis, And suddantlie on[to] the king syne brocht. This nobill king, the quhilk forzet him nocht, Rewardit him that tyme amang the laue, With sic reward as he seruit to haue; As he befoir in his greit ire and tene, With greit dispyte pat out the bischopis ene, Siclike to him that tyme hes gart be done. Syne efter that within schort quhile richt sone, Vpoun ane gallous hangit him richt hie, In audience that euerilk man micht se.
In the detesting of his cryme and fame, For to distroy for euir efter his name,
All the menkynd of his surname and clan, Gart lib thame all than be the leist ane man.
Wes neuir ane that tyme that he wald saue,
That abill wer successioun for to haue,
That efter him suld neuir ane spring or spreid Of all his clan, sic haitrent at him hed, In the detesting of his cruell cryme. Thus endit he and his surname that tyme. All beand done as [I] haif said 30w heir, Sone efter syne into the secund zeir, So greit scantnes ouir all Scotland thair fell, None wald gif treuth to ony toung wald tell Gif all be suith as that my author tald, Ane boll of beir for fyve crownis wes sald; Baith quhit and meill in thair awin kynd als deir. So greit abundance [syne] in the nixt zeir, Wes neuir sene in all kyn kynd of corne. That samin zeir wes Alexander borne, King Williames sone, richt lustie and plesand, Eldest and air, and prince als of Scotland. The king of Ingland, Richart, that same zeir Departit hes and bad na langar heir. His bruther Johnne efter that he wes deid, With haill consent wes crownit in his steid; For he him self efter that he wes gone, Of his bodie successioun than had none. The thrid zeir efter Alexander wes borne, The lordis all befoir the king war sworne, Efter his tyme, as that my author schew, To Alexander to be leill and trew. That samin zeir, gif that I richt presume, To king Williame than fra the paip of Rome Ane sword wes send, nane farar on the mold, With hilt and plumbet all of massie gold;
« AnteriorContinuar » |