In sindrie partis vp and doun the land. The jowellis all into that place he fand, With ornament and all sic precious geir, As it had bene into the tyme of weir, He tuke away richt oppinlie and plane, In that beleif neuir to restoir agane.
Paip Innocens, the thrid paip of that name, Into that tyme ane father of greit fame,
Herand in Rome how that sic thing wes done, Ane legat send wnto this ilk king Johnne; Perswading him with wordis richt bening, At his requeist for to reforme sic thing.
Quhilk for till do he wald nocht grant him till, Nor satisfie worth ane myte of his will, Bot leit him pas and maid him na outred, Hame to the paip of his erand onsped. On[to] the paip this legat schew richt sone, Of his erand how he had sped and done; Thairof the paip that tyme wes nocht content; Richt sone agane ane vther legat sent, With scharpar langage nor he did befoir,
Sayand agane, and he wald nocht restor
To halie kirk the spulze all richt sone,
And syne reforme all faltis he had done,
Traist weill, he said, that he suld huke no burd
And he did vse of halie kirk the furd,
And [suld] smyt him be his auctoritie,
Till all vther it sould exempill be,
In tyme to cum so wranguslie to wirk,
Lib.13, f.207. In the contemptioun of the halie kirk.
This ilk king Johnne rycht pertlie than in plane, With als scharpe langage send he him agane, With lytill les na he did him defy; Quhairfoir the paip richt sone and suddantly, The greit cursing without ony refute, On this king Johne he hes gart execute;
With interdictioun, edick and command, Ouir all the realme and regioun of Ingland, No mes nor matenis suld be said or sung In audience, nor zit no bellis rung; Deid cors' erdit, nor zit barnis in font Baptist to be, siclike as tha wer wont; No kynd of seruice with oblatioun, Of sacrament with ministratioun,
In Ingland maid, wnder all pane and charge Micht efter follow quhilk [that] wes richt large. Quhen this king Johnne perfitlie vnderstude Of that proces the strenth and fortitude, Also he knew that euerie Cristin prence Commovit wes richt far at his offence
Agane the kirk of Christ that he had wrocht; Thairfoir richt sone it come into his thocht,
Without thairof ane mendis he wald mak,
Richt sone of him ane vengence tha wald tak. So weill he knew be the paipis desyre, In contrair him he wald thame all requyre,
The quhilk he knew tha wald him nocht deny; 44,810 This ilk king Johnne for that same caus and quhy, Forthocht full soir all thing that he had done; Syne to the paip richt suddanelie and sune He send and said, withoutin tarie moir, He wald reforme all faltis maid befoir, At his plesour but ony pleyd or pley, The kirk of Christ for all his tyme obey, Desyrand him of his auctoritie, Fra that proces for to relaxit be. Quhome of the paip wes in ane part content; 3it wald he nocht thairto gif his consent, For the greit falt that he had maid befoir, Without he wald in taikin and memoir,
He, and his airis after him alsua,
Ten thousand pund of pensioun for to pa, Ilk sevin zeir onis to the kirk of Rome, Perpetuallie wnto the da of dome,
For Ingland sevin and alss for Ireland thre.
Quhen this king Johnne saw no better mycht be, Rycht glaidlie than consentit hes thairtill,
To satisfie all his desyr and will.
Syne oblist him with mony aith and band,
In forme and effect that all that thing suld stand Perpetuallie, as that my author sais;
This quhilk pensioun is payit in thir dais.
This being done and brocht to sic ane end,
OFF THE DECEIS OF KING WILLIAME, QUHA WAS BUREIT IN ABIRBROTHOK, AND OF TUA HALIE MEN THAT WAR LEVAND IN THAT TYME.
Sone efter syne quhen done wes all this thing, This gude Williame of Scotland that wes king, 44,845 Of sevintie zeiris than, as my author sais, That samin tyme completit wes his dais, [And] of his ring the nyne and fourtie zeir, He tuke his leif and bad na langar heir,
Into Stirling gif that I richt record,
One thousand zeir quhilk wes than of oure Lord, And tua hundreth with fourtene zeiris also, Completit wes perfitlie and ago.
In Abirbrothok syne efter that wes he Intumulit with greit solempnitie,
Of his lordis also and all the laue,
As ressoun wald that sic ane king suld haue.
Quhilk did prefer all vther, to conclude,
In policie and als in sanctitude;
Thocht now to ws tha ar wnknawin and hid, 44,860
Richt mony miracle in his tyme he kyde.
Tua halie man than, as my author sais,
Levand thair war into tha samin dais,
Sanct Dominik ane, quhilk in tha samin zeiris
He wes the first and foundit the blak freiris ;
And Sanct Frances, the tother of the tua, Quhilk wes the founder of the freiris gra. And mony mo no I will heir report Now at this tyme, becaus the tyme is schort; And mekill moir no I haif in memorie, The quhilk pertenis nothing to this storie. Thairfoir sic thing I lat it pas as vane, And to my storie turne I will agane.
How 3OUNG ALEXANDER WAS CROWNIT KING EFTER KING WILLIAME HIS FADER DECEISSIT, AND TUKE ON HIM THE DULE WEID, AND FOR HIS SAIK DELT ALMOUS DEID.
As I haif said quhen done wes all this thing, Efter the deid of gude Williame the king,
Alexander that wes his sone and air,
Ane propper prince, baith plesand and preclair, With haill consent of his lordis ilkone,
In Scone wes crownit on the marbell stone.
Syne in Abirbrothok efter fyiftene dais, Thair he remanit, as my author sais, Quhair euirilk da solempnitlie wes sung, Solempnitlie and all the bellis rung,
Matenis and mes with contemplatioun, With almous deid, fasting and oratioun, With humbill mynd richt hartlie and benyng, For his father gude Williame that wes king. And on him self the murning weid he tuk, For 3eir and da all sporting he forsuik;
And gaif command ouir all Scotland richt sone, 44,890 Ilk man to do siclike as he had done.
Quhen this wes done as ze haif hard me sa,
In Edinburgh syne efter on ane da,
In conventioun quhen the da wes set, This Alexander with all his lordis met,
Quhair [he] confermit that tyme les and moir, The lawis all his father maid befoir; And euerie man with office that wes cled, Quhilk of befoir of his father he hed,
Lib.13, f.207b. He suld remane into his office still, But contrapleid, at his plesour and will. Allane the lord that tyme of Galloway, Quhilk of Scotland the constabill wes that day, And of Dunblane the gude bischop also, The quhilk to name callit wes Basso,
The chancellar of Scotland than wes he, Onto thir tua the haill auctoritie
Committit wes, to haif the gyde and cuir Of all Scotland baith to riche and puir. This beand done, that tyme amang the laue, Onto his mother Armengard he gawe The toun of Forfair thairin to remane, At hir desyr with mony plesand plane; And all tha landis lay about the toun, He gaif to hir in frie possessioun ; And mony vther greit communitie, That scho sould nocht fall in necessitie. Heir will I leif of this ane litill quhile,
And to king Johnne turne agane my style.
« AnteriorContinuar » |