Calendae Septembres.
Tempore qvo campi studiis operata iuventus (Felices animae nimium, bis terqve beati,
Qvorum ego magna fui pars saepius; ut redeam ad rem) Tempore qvo pubes, cui lege licentia venit,
Vixdum maturis bellum perdicibus infert,
Tres iuvenes (si vis, mihi nomina dicere promptum est) Metropolitani cupiunt invisere rura,
Ut possint ludoqve frui praedaqve potiri. Ergo tormentis instructi Mantonicis et
Pulvere nitrato canibusqve et grandine plumbi Tres simul in rheda fumumqve urbemqve relinqvunt. Qvid tamen a tergo dependet? Pera adeo ingens Ut credas caesis elephantibus esse paratam. Nunc mihi qvi casus, qvalis fortuna diei
Musa velim memores: nam certe magna volucrum, Magna fuit leporum strages. Postqvam cumulata Usqve novem ad digitos tormenta fuere, per agros Ire procul madidos, dumeta per avia, sepes Atqve rubos, cauti dum spectant undiqve, perdix Ne forte in ramo lateat, ne sit lepus uda Sub cavea. At subito fossam dum transilit, unus Trossulus in foedas collo tenus incidit undas. Huc, precor, auxilium! Vestes et vita peribunt: Auxilium, comites. Sed cur dumeta moventur ? Ocius arma viri: lepus hac sub sepe latescit. Molliter adrepunt omnes: tormenta parantur; Intonuere aurae: qvom (parcite risubus) exit Triste cruentato de gutture vociferans sus. Iamqve viri fugiunt: fugientibus ecce anus instat A tergo, et multum leges fustesqve minata. Ob laesam solidos cogit sex pendere porcam.
Sed qvid opus verbis ? qvis digne scribere possit. Mustelae effugium, leporem qvam qvisqve putavit, Qvotqve asini doluere, qvot exhibuere fenestrae Vulnera pulvereas nimium testantia vires? Ecce autem substant catuli, Sapphoqve Catoqve: Hic volucrum bona turba latet: nunc ite, cavete, Praemia nunc longo capietis digna labore. Ite cito. Adcedunt taciti; fragor aethera terret: Euge viri: tandem dantur duo corpora leto: Aufugiunt volucres; pereunt Sapphoqve Catoqve.
Interea Oceano ardentes submergere currus Sol properat, piceamqve polo diffundere noctem. Iam redeunt iuvenes : redeuntibus obvius ultro Fit qvidam, emptorem insidiis inducere hiantem Callidus. Hic peram ingentem, qvasi forte, gerebat Differtam grandi praeda, spolia ampla tenentem Sex volucres: qvos deinde ostentans: Ecce Calendis Dignum opus! en qvi cuiqve decor! qvam hic pinguis
Pectore! Nostrorum interea iecur urere livor:
Multiplici inter se nutu signisqve loqvuntur: Mox qvisqve (ah qvid non mortalia pectora cogis Ambitio?) alterius secretam dicere in aurem : Mercemur; dolus an virtus qvid in aucupe refert? Ecce decem solidos: vin' tu? Adnuit ille. Beati Hi contra mercem adripiunt urbemqve reqvirunt Iactantes caesas volucres peramqve repletam. Turba coit mirata novos heroas; ut olim
Saepe salutabat bellis laetata peractis
Roma duces, ita nunc, si fas componere magnis Parva, colit reduces ab agro vicinia cives. Deducunt clamore viros, factaqve corona
Exspectant, inhiant. Effunditur in medium ingens Pera: sed effusam qvae voces excipiunt? Heu
Ut semper gaudes, Fortuna, inludere rebus Humanis! Loqvar an sileam? Sex cernimus, ecce Cernimus expositos, ingloria corpora, corvos!
Fit clamor: condunt risusqve iociqve Calendas.
She is far from the Land where her
Stat procul a terra, qva tu, puer inclute, dormis, Stat tua solicitis culta puella procis:
Frigida sed flentes oculos avertit, et illuc
Mente fugit, carum qva tegit herba caput. Mox patria raptim promit testudine si qvae Audierat quondam carmina laetus amans: Nec cupida cernunt inhiantes aure catervae, Qvae canit, hanc sensim corde labante mori. Pro patria periit, qvi vixerat omnis amori; Nil aliud caussae, cur superesset, erat. Nec patriae maerore brevi deflebitur heros; Nec mora qvin puerum nympha seqvatur erit. Ponite, decidui qva lux monet ultuma solis Gloria sit reducis qvanta futura dei: Insula per fluctus risisse videbitur illi,
Carior aerumnis insula facta suis.
Aut ab aqva fuit hac Veneri natalis origo, Aut Venus hanc loto corpore fecit aqvam. H. J. (ex Anthol. Gr.)
She dwelt among the untrodden Ways.
Pascua Doveni lambunt ubi devia fontes, Flumineas virgo propter agebat aqvas. Nulla qvidem nostram laudabat lingva puellam : Perpauciqve, qvibus diligeretur, erant. Non viola annosi musco prope condita saxi Prodit amabilius semireducta caput: Nec tam grata nitet nec tam formosa videri Stella silescentem qvae tenet una polum. Sic latuit virgo: paucisqve innotuit hora Qva mea cum vivis desiit esse Chloe. Illa sepulcrali sub caespite dormit: at eheu Nunc alia est tellus, ac fuit ante, mihi.
G. A. C. M. (ex WORDSWORTHIOо.)
Regia cui pellex non est audita Cloaca? Nomen ab infausta pellice Fossa trahit. Fumivomi currus gestamine si petis Urbem, Terminus est rapidae non procul inde viae. Terminus est statio furum notissuma: si qvem Pressit onus nimium, parte levatur opum. Terminus ille viae mihi ter fuit: adcidit eheu Adcidit ut nobis ter minus esset opum.
Emta tibi sunt mel, dentes, cerussa, capilli: Hoc poterat pretio, Lydia, vultus emi.
Δαὶς μέλεται Πυλάδῃ, συνάγει θ ̓ ἃς ἰχθύας ἅλμη, οὐρανὸς ὄρνιθας γαῖά τε θῆρας ἔχει.
εἴσι δ ̓ ἐκεῖ πέλανοί τε καὶ ἰσχάδες ἠδὲ πλακοῦντες, κοὐκ ὀλίγον μάζης καὶ γλυκεροῦ μέλιτος. πρὸς τοῖσδ ̓ ἔστιν ἐκεῖ πολλῷ μαλακώτατος οἶνος, ὅνπερ ἔχει Λέσβος καὶ Θάσος ἠδὲ Χίος.
ἡ ῥα φιλους ἐκάλει πάντας πρὸς δαῖτα τοσαύτην ; οὐ μὰ θεούς· ἔφαγεν πάντα μόνος Πυλάδης.
Qvom morte captus occidit Terentinus, Dolore mota luget urbs gravem casum, Lacrumisqve vicus omnis obrutus plorat. Ergo iuvabat ante ceteros urbem? Non alter urbi sic inutilis vixit. Cur ergo mortem sic dolent Terentini, Inutilis qvi vixit, ut refers, urbi ?
O stulte caupo maestus et coqvus luget, Piscariusqve et institor popinarum, Vinariusqve et qvae nuces anus vendunt, Poma, ova, crusta, ceteras dapes: omnis Haec turba funus, haec dolet Terentini.
Τῇ Παφίῃ τὸ κάτοπτρον.
Do Veneri speculum: nunqvam non illa refulget : Sed fovet hoc curas conduplicatqve meas : Scilicet in vitro memet discernere fido
Non queo qvalis eram, non volo qvalis ero.
« AnteriorContinuar » |