UP IN THE MORNING EARLY.

AULD blaws the wind frae east to west,

CA

The drift is driving sairly;

Sae loud and shrill's I hear the blast,—

I'm sure it's winter fairly.

When a' the hills are cover'd wi' snaw,

I'm sure it's winter fairly.

The birds sit chittering in the thorn,
A' day they fare but sparely;

And lang's the night frae e'en to morn

I'm sure it's winter fairly.

Up in the morning's no for me,

Up in the morning early;

When a' the hills are cover'd wi' snaw,

I'm sure it's winter fairly.

G°

MY BONIE MARY.

O fetch to me a pint o' wine,
And fill it in a silver tassie;
That I may drink before I go

A service to my bonie lassie.

The boat rocks at the Pier o' Leith;

Fu' loud the wind blaws frae the Ferry;

The ship rides by the Berwick-law,

And I maun leave my bonie Mary.

The trumpets sound, the banners fly,
The glittering spears are ranked ready;

The shouts o' war are heard afar,

The battle closes deep and bloody;
It's not the roar o' sea or shore

Wad mak me langer wish to tarry;
Nor shouts o' war that's heard afar,

It's leaving thee, my bonie Mary.

MY HEART'S IN THE HIGHLANDS.

MY

Y heart's in the Highlands, my heart is not here; My heart's in the Highlands a-chasing the deer; A-chasing the wild deer, and following the roe, My heart's in the Highlands wherever I go. Farewell to the Highlands, farewell to the North, The birthplace of Valour, the country of Worth; Wherever I wander, wherever I rove,

The hills of the Highlands for ever I love.

Farewell to the mountains high-cover'd with snow;
Farewell to the straths and green valleys below:
Farewell to the forests and wild-hanging woods;
Farewell to the torrents and loud-pouring floods.
My heart's in the Highlands, my heart is not here,
My heart's in the Highlands a-chasing the deer:
A-chasing the wild deer, and following the roe;
My heart's in the Highlands wherever I go.

THERE'S A YOUTH IN THIS CITY.

A Galic Air.

HERE'S a youth in this city, it were a great pity

THE

That he from our lasses should wander awa; For he's bonie and braw, weel favour'd witha',

And his hair has a natural buckle and a'. His coat is the hue o' his bonnet sae blue;

His fecket is white as the new-driven snaw;

His hose they are blae, and his shoon like the slae,
And his clear siller buckles they dazzle us a'.
His coat is the hue, etc.

For beauty and fortune the laddie's been courtin;
Weel-featur'd, weel-tocher'd, weel-mounted and braw;
But chiefly the siller, that gars him gang till her,
The Pennie's the jewel that beautifies a'.

There's Meg wi' the mailin that fain wad a haen him,
And Susy, whase daddy was Laird o' the Ha';
There's lang-tocher'd Nancy maist fetters his fancy-
But the laddie's dear sel he lo'es dearest of a'.

A

AE FOND KISS.

E fond kiss, and then we sever;

Ae fareweel, and then for ever!

Deep in heart-wrung tears I'll pledge thee,
Warring sighs and groans I'll wage thee.
Who shall say that fortune grieves him
While the star of hope she leaves him?
Me, nae cheerfu' twinkle lights me,
Dark despair around benights me.

I'll ne'er blame my partial fancy,
Naething could resist my Nancy :
But to see her was to love her ;
Love but her, and love for ever.
Had we never lov'd sae kindly.
Had we never lov'd sae blindly,
Never met-or never parted,

We had ne'er been broken-hearted.

Fare thee weel, thou first and fairest !
Fare thee weel, thou best and dearest !
Thine be ilka joy and treasure,
Peace, Enjoyment, Love and Pleasure !