The cardin' o't, the spinnin' o't,
The warpin' o't, the winnin' o't;
When ilka ell cost me a groat,

The tailor staw the lynin o't.

IT WAS A' FOR OUR RIGHTFU' KING.

'T was a' for our rightfu' king

IT

We left fair Scotland's strand;

It was a' for our rightfu' king

We e'er saw Irish land

My dear,

We e'er saw Irish land.

Now a' is done that men can do,

And a' is done in vain :

My Love and Native Land farewell,

For I maun cross the main,

My dear,

For I maun cross the main.

He turn'd him right and round about,

Upon the Irish shore;

And gae his bridle-reins a shake,

With adieu for evermore,

My dear,

With adieu for evermore.

The soger frae the wars returns,
The sailor frae the main ;

But I hae parted frae my Love,

Never to meet again,

My dear,

Never to meet again.

When day is gane, and night is come,
And a' folk bound to sleep;

I think on him that's far awa',
The lee-lang night and weep,
My dear,

The lee-lang night, and weep.

O KENMURE'S ON AND AWA, WILLIE.

TUNE-"O Kenmure's on and awa, Willie."

KENMURE'S on and awa, Willie,
O Kenmure's on and awa;
An' Kenmure's Lord's the bravest Lord

That ever Galloway saw.

Success to Kenmure's band, Willie !
Success to Kenmure's band!

There's no a heart that fears a Whig
That rides by Kenmure's hand.

Here's Kenmure's health in wine, Willie !
Here's Kenmure's health in wine!

There ne'er was a coward o' Kenmure's blude,
Nor yet o' Gordon's Line.

O Kenmure's lads are men, Willie,

O Kenmure's lads are men ;

Their hearts and swords are metal true,

And that their faes shall ken.

They'll live, or die wi' fame, Willie,
They'll live or die wi' fame;
But soon, wi' sounding Victorie,
May Kenmure's Lord come hame!

Here's Him that's far awa, Willie !
Here's Him that's far awa!

And here's the flower that I loe best,
The rose that's like the snaw.

SIMMER'S A PLEASANT TIME.

S

TUNE-"Ay waukin, O."

IMMER'S a pleasant time,

Flow'rs of ev'ry colour;

The water rins o'er the heugh,
And I long for my true lover!
Ay waukin O,

Waukin still and weary:
Sleep I can get nane

For thinking on my Dearie.

When I sleep I dream,

When I wauk I'm eerie ;

Sleep I can get nane

For thinking on my Dearie.

Lanely night comes on,

A' the lave are sleepin

I think on my bonie lad

And I bleer my een with greetin’.

Ay waukin O,

Waukin still and weary;

Sleep I can get nane

For thinking on my Dearie.

THE HIGHLAND LADDIE.

TUNE-"If thou'lt play me fair play."

THER

HE boniest lad that e'er I saw, Bonie laddie, Highland laddie, Wore a plaid and was fu' braw, Bonie Highland laddie. On his head a bonnet blue,

Bonie laddie, Highland laddie, His royal heart was firm and true, Bonie Highland laddie.

Trumpets sound and cannons roar,

Bonie lassie, Lawland lassie, And a' the hills wi' echoes roar,

Bonie Lawland lassie.

Glory, Honour, now invite,

Bonie lassie, Lawland lassie,

For Freedom and my King to fight,

Bonie Lawland lassie.

The sun a backward course shall take, Bonie laddie, Highland laddie,

Ere aught thy manly courage shake; Bonie Highland laddie.