I. Delia, elia, Tucca, tibi venit: Sed, Seie, videre Non licet: Occulitur limine clausa viri. Delia, Seie, tibi, non venit adhuc mihi: namque, Si occulitur, longe est, tangere quod nequeas. Venerit illa tibi: sed iam iam mihi nuntius iste Quid prodest? illi dicito, cui rediit. II. Corinthiorum amator iste verborum, Iste iste rhetor! namque quatenus totus TAV Gallicum, MIN, SIL, et AL male illisit, III. Socer beate nec tibi nec alteri, Gener, socerque perdidistis omnia. IV. Superbe Noctuine, putidum caput, Duas, et hanc, et alteram, tibi dari? Iacere V. me, quod alta non possim, putas, Vt ante, vectari freta; Nec ferre durum frigus, aut aestum pati, Neque arma victoris sequi. Valent, valent mihi ira et antiquus furor, Et lingua, qua iam adsim tibi. Hei! prostitutae turpe contubernium Sororis, o quid me incitas? Quid, impudice, et improbande Caesari, Si furta dicantur tua? Et heluato sera patrimonio In fratre parsimonia? Vel acta puero cum viris convivia, Vdaeque per somnum nates? Et inscio repente clamatum super, Thalassio, Thalassio? Quid palluisti, femina? an ioci dolent? Non me vocabis pulchra per Cotyttia Ad feriatos fascinos? Nec dein movere lumbos in crocotula Prensis videbo alaribus? Flavum prope et Thybrim te olentes nauticum Vocare, ubi appulsae rates Stant in vadis coeno retentae sordido, Macraque luctantes aqua? Neque in culinam, et uncta compitalia, Quibus repletus, ut salivosis apris, Obesam ad uxorem redis: Et aestuantes docte solvis pantices, Nunc laede, nunc lacesse, si quidquam vales! Et nomen adscribo tuum. Cinaede Luci, en, te reliquerunt opes; Fameque genuini crepant. Videbo habentem praeter ignavos nihil Fratres, et iratum Iovem, Scissumque ventrem, et herniosi patrui |