Est tuguri custos armatus falce saligna; Sed non et vasto est inguine terribilis. Huc Calybita venit: fessus iam sudat asellus: Parce illi; vestrum delicium est asinus. Nunc cantu crebro rumpunt arbusta cicadae. Nunc varia in gelida sede lacerta latet. Si sapis, aestivo recubans te prolue vitro; Seu vis, crystallo verte novos calices. Eia age pampinea fessus requiesce sub umbra; Et gravidum roseo necte caput strophio; Candida formosae decerpes ora puellae. Ah! pereat, cui sunt prisca supercilia! Quid cineri ingrato servas bene olentia serta? Anne coronato vis lapide ista legi? Pone merum, et talos. Pereant quicrastina curant! Mors aurem vellens: vivite, ait, venio. Iam nox hybernas bis quinque peregerat horas, Excubitorque diem cantu praedixerat ales; Laeva ministerio, dextra est intenta labori; Alternatque vices. Modo rustica carmina cantat, Torta comam, labroque tumens, et fusca colorem; Postquam implevit opus iustum versatile finem: |