8 Feb. 1415. S. 71 b.

A set of

new

statutes

for St.

Jacob's Hospital at Canter

bury by the Prior

of Christ Church,

994.-NOVE ORDINATIONES FACTE POST VISITATIONEM HOSPITALIS SANCTI JACOBI JUXTA CANTUARIAM PER PRIOREM ECCLESIÆ CHRISTI.

Johannes permissione divina sanctæ Cantuariensis Ecclesiæ Prior Hospitalis Sancti Jacobi juxta Cantuadesigned riam, ab ejusdem fundatione, Custos atque Visitator, dilectis nobis ipsius hospitalis fratribus et sororibus, salutem. Ut nostra visitatio, nuper in dicto hospitali per nos facta, fiat, annuente Domino, fructuosa ad correctionem et reformationem ejusdem hospitalis, tam in spiritualibus quam in temporalibus, infrascripta the patron. nostra mandata, statuta, et ordinationes, in virtute obedientiæ, præcipimus per vos inviolabiliter perpetuis futuris temporibus observari. In primis: statuimus et ordinamus, quod omnes fratres et sorores dicti hospitalis ad oratorium sive ecclesiam in ibi situatam, singulis diebus, hora consueta, conveniant, horas canonicas et missas in ipso oratorio dicendas et celebrandas integraliter audituri, nisi ratione officii aut alia causa rationabili, præsidenti ejusdem hospitalis insinuanda, dictis temporibus contigerit absentari. Statuimus præterea, quod numerus Capellanorum ab antiquo in ipso hospitali statutus, quamcitius facultates dicti hospitalis ad hoc potuerint sufficere, observetur et custodiatur; quodque dicti Capellani, in oratorio dicti hospitalis, divina horis competentibus cotidie, legitimo cessante impedimento celebrent, atque horas canonicas alta voce, ita quod a fratribus et sororibus tunc præsentibus audiri poterunt, simul dicant in eodem, pulsatis primitus signis sive companis, juxta morem in ipso hospitali ab antiquo usitatum. Insuper statuimus et ordinamus, quod fratres et sorores dicti hospitalis, in ipsorum oratorio a confabulationibus penitus se abstineant; ipsorumque singuli, singulis diebus, numerum orationum Dominicarum cum salutationibus Beatæ

Mariæ angelicis, alias eisdem per prædecessores nostros in eorum visitationibus, injunctum et assignatum, si commode fieri potuerit, compleant in ipso oratorio, dicant etiam cum devotione. Item: quod nullus recipiatur in fratrem, aut aliquam in sororem, dicti hospitalis sine consilio et assensu Ecclesiæ Cantuariensis, qui pro tempore fuerit, Prioris; idemque statuimus de Capellanis in ipso hospitali celebraturis. Ad hæc ordinamus, quod de cetero deputetur una cista in loco securo infra dictum hospitale ponenda, tribus seris tribus diversis clavibus firmata; quarum clavium una habeat Priorissa; secundam habeat unus fratrum ejusdem hospitalis, siquis fuerit, per confratres suus eligendus, alioquin una ex sororibus per majorem partem consororum suarum ad hoc nominanda; tertiam autem habeat ipsius hospitalis Celerissa. In ipsa vero cista reponantur ejusdem hospitalis sigillum commune, ac ejusdem hospitalis evidentiæ, cartæ, et munimenta quæcumque. Item: quod in visitatione antedicta comperimus quod Priorissa ipsius hospitalis, quæ nunc est, solebat, et solet, omnes redditus et proventus dicti hospitalis, sola, absque scientia consororum suarum, clam recipere, et, ipsis inconsultis, de eisdem disponere; volumus et ordinamus quod exnunc dicta Priorissa, et quæ erit pro tempore in hospitali prædicto, nullas pecuniarum summas absque scientia fratrum, si qui sint habitum juxta ipsius hospitalis fundationem deferentes, et majoris partis consororum suarum recipiat quoquomodo. Pecunias vero sic receptas, si eas tempore receptionis earundem expendi non oporteat, in cista memorata deponi volumus et mandamus. Item: ordinamus, quod nullus custodum clavium prædictarum clavem sibi commissam alii tradat custodiendam. Item: quod ipsa Priorissa quatuor singulis annis terminis subscriptis, videlicet, in festis Sancti Hillarii, Inventionis Sanctæ Crucis, Sancti Petri ad vincula, et Omnium Sanctorum, de omnibus redditibus

et proficuis ipsius hospitalis, per eam vel ejus nomine, receptis ipso anno, fratribus, habitum ut prædicitur gestantibus, et sororibus suis plenum compotum, in forma compoti, reddere, ipsumque compotum post dictum festum Omnium Sanctorum Priori Ecclesiæ Cantuariensis, qui erit pro tempore, aut ipsius deputato, ante festum Natalis Domini quolibet anno, tradere teneatur. Ordinamus etiam, quod decetero, quantum fieri potest, aliquæ recipiantur juvenculæ literatæ, aut aliæ juvenes dociles et capaces, in literatura1 imbuendæ. Item: quod fratres et sorores dicti hospitalis ecclesiam de Bradgare, eisdem unitam, ad firmam non tradant, nec etiam aliquas earundem possessiones vel tenementa, nec boscum aut subboscum vendant aut donent, nullamque litteram sub ipsorum sigillo communi sigillent, seu faciant sigillari, quovismodo, sine assensu Prioris Cantuariensis qui fuerit pro tempore. Item: ordinamus, quod si contingat Priorissam dicti hospitalis ab eodem per unum diem absentare, quod ipsa deputet unam ydoneam ex consororibus suis, qui, durante absentia sua, ipsius poterit supplere vices. Item: in nostra visitatione nobis extitit detectum, singulos fratres et sorores dicti hospitalis decem solidos annuatim, in pecunia numerata, de exitibus dicti hospitalis, ultra panem dumtaxat et cerevisiam eis in communi ministratos, pro eorum vestitu, qui eis nullatenus ministratur in communi, ac aliis diversis eisdem incumbentibus oneribus dumtaxat recipere, quodque bona ejusdem hospitalis immobilia, infra paucos annos, adeo esse augmentata, quod ad uberiorem distributionem pecuniarum inter fratres et sorores antedictos, occasione præmissa, annuatim faciendam commode, prout etiam ipsi satis a diu est novimus, poterunt sufficere; iccirco, matura deliberatione præhabita, attenta dictorum fratrum et sororum singulorum penuria,

' literatura, MS.

statuimus et ordinamus, quod singulis annis futuris, cuilibet fratri, habitum ut prædicitur gerenti, necnon singulis sororibus dicti hospitalis, ultra decem solidos prædictos, in festo Omnium Sanctorum solvantur tres solidi et quatuor denarii monetæ Anglicanæ, de bonis communibus hospitalis memorati, in dictorum fratrum et sororum penuriæ subductionem, ac victus augmentationem: cum ipsorum nullus, pro omnibus diebus cujuslibet anni in quibus ipsos carnibus aut piscibus vesci deceat vel oporteat, ultra unum porcum recipere consueverant semel in anno. Item: quod sacris obviat institutis mulieres, etiam sacratas, vasa sacra contingere, aut circa altaria1 ministrare, ordinamus, quod nulla soror dicti hospitalis, aut alia quævis mulier, dum divina in dicti hospitalis oratorio celebrantur, quovismodo inibi circa et prope altaria stare vel sedere, aut presbiteris divina celebrantibus vel horas canonicas dicentibus ministrare præsumat; cum, secundum dicti hospitalis primariam fundationem, ejusdem Capellani sive Sacerdotes habere debeant unum clericum, qui eisdem debeat in præmissis officiare cui volumus de bonis communibus dicti hospitalis ut convenit ministrari, atque de superpellicio, ejusdem hospitalis sumptibus, dum sibi commissum peragit officium provideri. Ordinamus etiam præterea et statuimus, quod quotienscumque fiat in communi distributio panis et cerevisiæ, pro fratrum et sororum dicti hospitalis sustentacione, quod, Priorissæ et Celerarissæ ejusdem hospitalis, aliqua ex sororibus ipsius hospitalis per fratres, siqui fuerint, et sorores ejusdem, vel majorem partem eorundem, nominanda et eligenda, quæ cum prædictis vel eorum altera, ad tollendam omnem suspicionem inæqualis distributionis panis et cerevisiæ aut aliorum, si quæ fuerint, inter fratres et sorores hospitalis antedicti dividendorum, cessante collu

1 altarea, MS.

;

sione, adjungatur. Præmissis quoque statuendo adjicimus, quod Priorissa dicti hospitalis nulla communia negotia absque consensu fratrum, si qui sint, et majoris partis sororum dicti hospitalis diffinat seu expediat; nullasque penitus faciat circa reparacionem dicti hospitalis aut domorum quarumcumque eidem hospitali pertinentium expensas voluptuosas, nec etiam utiles vel necessarias circa eas, quæ summam viginti solidorum in anno excedunt, sine consensu fratrum hospitalis sæpenominatorum, si qui fuerint, et sororum aut majoris partis earundem. Præmissis quoque subjiciendo, quod Priorissa dicti hospitalis, quæ est et quæ erit pro tempore, nullos infra septa dicti hospitalis perhendinaturos sive moraturos recipiat, sine consensu sororum suarum, vel majoris partis earundem,1 et licentia nostra et successorum nostrorum petita et optenta. Ceterum quia comperimus nonnulla ordinaciones, monitiones, et monita salutaria per prædecessores nostros, in ipsorum visitationibus in dicto hospitali exercitis, facta fuisse et esse; nos tam ea quam etiam hæc nostra statuta et ordinationes, per vos quibus præsentes nostræ diriguntur litteræ ac quemlibet vestrum, sub majoris excommunicationis pœna mandamus inviolabiliter observari. Volentes insuper tam prædecessorum nostrorum ordinationes, monitiones, et monita, quam etiam nostra præscripta, sub pœna inobedientiæ et contemptus, sexies in anno, temporibus interpolatis, publice coram vobis, in domo illa ubi librum orationum vestrarum singulis diebus legere soletis, legi atque in vulgari etiam exponi, sub pœna proxime superius annotata. In quorum omnium testimonium. etc. Dat., etc. decimo octavo die mensis Februarii anno Domini MCCCCXIIIJmo̟

1 eorunden', MS.