ZOILUS. "Scurrile vinum, tumultuosum est temetum, quisquis ab eo decipitur "decipitcui heu? cui hei? cui jurgia, cui solicitudo, cui vulnera "impuné, cui oculorum rubor? vini scilicet sectatoribus, compotationes "rimatum euntibus. Nolite vino inebriari, sed cum viris probé se "gerentibus consuetudinem habete ac versamini. Vinum ne aspice quia "rubeat, quia in poculo colorem suum ostentet, et specie sua blandiatur : "ejus enim exitus mordet ut coluber, et viperæ modo pungit, et oculi tui "absurdé videbunt, et animus inepté loquetur, erisque quasi qui in "medio mari aut quasi qui in mali vertice navis cubet." ZAPOTES. Paulum Solomoni quis opponere dubitet? at ille meus discrepantia autumat, Timotheum ita admonendo," ne amplius aquam bibe sed exiguo "vino utere." ZOILUS. Sed, mi bone, quare, rogo, sententiam, decurtas? adjecit enim Paulus quæ tu prudens omisisti, "propter tuum stomachum et crebras infir"mitates," et recté quidem: stomacho enim laborante vini aliquantillum bibendum vel Anchoritæ concessere, modo medicinæ loco bibes non propter voluptatem et cupedines. ZAPOTES. Paulum dejecisti, sed fortior Paulo ait "in "eorum domo manetote comedentes et bibentes quæ eis suppetent: nam dignus est operarius "mercede suá." 66 ZOILUS. Credo equidem, nec vana adhortatio, operariis perutilis, illis porro qui opus aliquod faciunt, qui veré laborant, qui sudorem frontis in bonâ re eliciunt: Et tu, Zapotes, si erro per terrarúm orbem pedibus ires, nec haberes aurum, nec argentum nec æs in crumena tuâ, neve peram ad iter, neve binas tunicas, neve calceos, neve tunicas, neve baculum, dignus fores operarius alimento tuo. Ovilia verum tua bina pinguissima, quorum oves alii curant, a te nihil aliud laboris extorquent quam ut divitias plenis manibus accipias, et cutem tuam pinguiorem et nitidiorem indies reddas. ZAPOTES. Quid? tu me mortuum censes esse, homo pugnacissime, verum enimvero telum in me conjectum in alios deflectitur: facio quod et cæteri. Ovilia bina Rex mihi dedit, Rex pulcherrimus, optimus, invictissimus, quem post numen colo, et ut Augustum veneror "Deus nobis hæc otia fecit, "Namque erit ille mihi semper Deus. "Ille meas errare bores, ut cernis, et ipsum Immo profecto: clarissimum cerno, te, ut tu ipse ais, ludere et cantitare dum boves perdita evagantur; egregii vero specimen bubulci et honestissimi! anne hoc idem rex voluit quum tibi hæc otia fecisset? ZAPOTES. Voluit: si quis Majestatis animum fundo explorare audeat ; nemo quoniam inficias ibit Augustum ecclesiæ ministros, quibus committitur cælorum clavis et terræ pacificatio, otium et quietem agere voluisse. Quid aliud Rex optimus voluisse potuit ? ZOILUS. Nonne Cancellarium plus quam Regem amas? ZAPOTES. Quare et hoc interrogas? ZOILUS. Quia Cancellarius undecies centum ecclesiæ beneficiorum est patronus et largitor munificentissimus. ZAPOTES. Regem veneror, colo, adoro, Cancellarium diligio atque amo, quemque debito officio prosequor. ZOILUS. Id est, si rité interpretor, omnes qui aliquid habent quod largiantur amas et exoscularis; manus vacuas spernis et sputo dignas esse censes. Jovem non Saturnum suffitu fumigas; Zoroastri Religioni plane addictus, qui more Persarum ad orientis regionem precaris. ZAPOTES. Zoroastrum Wesleio antepono, cujus sectam et institutionem sequi videris; nam iste Methodistarum fundator, et tota ejus progenies, in ecclesiæ ministros graviter stomachatur, nescio quæ severa et sesquipedilia verba in Anistitum divitias et luxum projicientes. Sanctissimi autem sacer dotes intacti manent, et insanas cavillationes nihilo magis, quam Luna molossi latratus, audiunt. ZOILUS. In rete Methodistanum trahuntur omnes quibus displicent Pontificum inquissimi mores; dic mihi autem, festivissime Zapotes, qualem voles Methodistam de quo ita luculenter disputas? ZAPOTES. Imponis mihi non modicum laboris, quod tamen, si placet, exantlabo. Omnis nequitiæ, impietatis, et stultitiæ, ut uno verbo dicam, compendium est Methodista. ZOILUS. Hac tuâ sententiâ laboris aliquid et temporis diminuitur, et tibi gratulor cum pro antliæ excellentiâ tum pro compendii concinnitate. Attamen confitendum est, putidissimos latices ejecisse fundulum tuum. PAMPHAGUS. Puriores, di boni, quam expectabam. ZOILUS. Et tu, Pamphage, aliquid habes in stomacho contras Methodistas evomendum: quicquid habes eructes. PAMPHAGUS. Hæretici mihi et Diaboli videntur isti! PEROGOPOLYNICÈS. Immó etiam, et mihi Balatrones. Pygistes; Tenebriones, Kenodoxus; Furciferi. Thytes; Vappæ. Philocoprus; Latrones. Polypotes; Athei. Aphemus; Cinadi. Polygamus; Pestes Ægypti. Hilarius; Ebrii. Philodus; Lenones. Skommatistes; Viperæ. Peniculus; Balatrones. ARCHIDIACONUS. Omne scelus quod religioni ac pietati opponitur; quicquid et vetuit ecclesia, canones, articuli, boni mores, fides et charitas, Methodistis est recté vivendi norma ac regula. ZOILUS. Laudo actores: bene ab omnibus recitatum. Cur non omnia in unum colligamus, chorum acturi unanimi acclamatione? CHORUS. Hæretici, Diaboli, Tenebriones, Furciferi, Vappæ, Latrones, Athei, Cinadi, Pestes Ægypti, Ebrii, Lenones, Viperæ, Balatrones. ZOILUS. in O pulchra, O orthodoxa dies! O sacerdotum mirabilis concentus ! qua in regione vel quo sæculo puriorem Sol Ecclesiæ statum unquam illustravit? quamvis dejectos ille apud Gabeonem Amorræos vidisset et stratos Josuæ hostes ad vallem Ajalonem: At enim si offendunt Methodistæ contra ecclesiæ canones, ut ait venerabilis Archidiaconus, consimili ratione et nos etiam eodem crimine arguimur: nemo enim plus quam Sacer |