Imagens das páginas
PDF
ePub
[graphic][merged small]
[ocr errors]

Cuma and the Temple of Apollo.

IC fatur lacrimans, classique immittit habenas, et tandem Euboïcis Cumarum adlabitur oris. Obvertunt pelago proras; tum dente tenaci

ancora fundabat naves, et litora curvae
praetexunt puppes. Iuvenum manus emicat ardens
litus in Hesperium; quaerit pars semina flammae
abstrusa in venis silicis, pars densa ferarum
tecta rapit silvas, inventaque flumina monstrat.
At pius Aeneas arces, quibus altus Apollo
praesidet, horrendaeque procul secreta Sibyllae

antrum immane petit, magnum cui mentem animumque
Delius inspirat vates, aperitque futura.

Iam subeunt Triviae lucos atque aurea tecta.

5

IO

The Work of Dædalus.

Daedalus, ut fama est, fugiens Minoïa regna, praepetibus pennis ausus se credere caelo, insuetum per iter gelidas enavit ad Arctos, Chalcidicaque levis tandem super adstitit arce. Redditus his primum terris, tibi, Phoebe, sacravit remigium alarum, posuitque immania templa. In foribus letum Androgeï: tum pendere poenas Cecropidae iussi- miserum !-septena quotannis corpora natorum; stat ductis sortibus urna. Contra elata mari respondet Gnosia tellus : hic crudelis amor tauri, suppostaque furto Pasiphaë, mixtumque genus prolesque biformis Minotaurus inest, Veneris monumenta nefandae; hic labor ille domus et inextricabilis error; magnum reginae sed enim miseratus amorem Daedalus ipse dolos tecti ambagesque resolvit, caeca regens filo vestigia. Tu quoque magnam

15

20

25

330

[graphic][merged small]

partem opere in tanto, sineret dolor, Icare, haberes. Bis conatus erat casus effingere in auro;

bis patriae cecidere manus.

The Cumæan Sibyl.

Quin protinus omnia

perlegerent oculis, ni iam praemissus Achates
adforet, atque una Phoebi Triviaeque sacerdos,
Deiphobe Glauci, fatur quae talia regi:
'Non hoc ista sibi tempus spectacula poscit;
nunc grege de intacto septem mactare iuvencos
praestiterit, totidem lectas de more bidentes.'
Talibus adfata Aenean (nec sacra morantur
iussa viri), Teucros vocat alta in templa sacerdos.

Approach of the God.

Excisum Euboïcae latus ingens rupis in antrum, quo lati ducunt aditus centum, ostia centum;

35

40

unde ruunt totidem voces, responsa Sibyllae.

Ventum erat ad limen, cum virgo, Poscere fata tempus ait; deus, ecce, deus! Cui talia fanti ante fores subito non voltus, non color unus,

non comptae mansere comae; sed pectus anhelum, et rabie fera corda tument; maiorque videri,

nec mortale sonans, adflata est numine quando iam propiore dei. 'Cessas in vota precesque,

Tros' ait 'Aenea? Cessas? Neque enim ante dehiscent attonitae magna ora domus.'

Et talia fata

conticuit. Gelidus Teucris per dura cucurrit

ossa tremor, funditque preces rex pectore ab imo:
'Phoebe, graves Troiae semper miserate labores,
Dardana qui Paridis direxti tela manusque
corpus in Aeacidae, magnas obeuntia terras
tot maria intravi duce te, penitusque repostas
Massylum gentes praetentaque Syrtibus arva,
iam tandem Italiae fugientis prendimus oras;
hac Troiana tenus fuerit Fortuna secuta.

45

50

55

60

[blocks in formation]

hic ego namque tuas sortes arcanaque fata,
dicta meae genti, ponam, lectosque sacrabo,
alma, viros. Foliis tantum ne carmina manda,
ne turbata volent rapidis ludibria ventis ;
ipsa canas oro.' Finem dedit ore loquendi.

75

« AnteriorContinuar »