THE HIGHLAND LASSIE.
AE gentle dames, though e'er so fair,
Shall ever be my Muse's care:
Their titles a' are empty show;
Gie me my Highland Lassie, O.
Within the glen sae bushy, O,
Aboon the plains sae rushy, O,
I set me down wi' right good will,
To sing my Highland Lassie, O.
Oh, were yon hills and valleys mine,
Yon palace and yon gardens fine!
The world then the love should know
I bear my Highland Lassie, O.
But fickle Fortune frowns on me,
And I maun cross the raging sea;
But while my crimson currents flow,
I'll love my Highland Lassie, O.
Although through foreign climes I range,
I know her heart will never change,
For her bosom burns with honour's glow,
My faithful Highland Lassie, O.
For her I'll dare the billows' roar,
For her I'll trace the distant shore,
That Indian wealth may lustre throw
Around my Highland Lassie, O.
She has my heart, she has my hand,
By sacred truth and honour's band!
"Till the mortal stroke shall lay me low,
I'm thine, my Highland Lassie, O.
Fareweel the glen sae bushy, O!
Fareweel the plain sae rushy, O!
To other lands I now must go,
To sing my Highland Lassie, O!
JOCKEY'S TA'EN THE PARTING KISS.
OCKEY'S ta'en the parting kiss,
O'er the mountains he is gane;
And with him is a' my bliss,
Nought but griefs with me remain.
Spare my luve, ye winds that blaw,
Plashy sleets and beating rain!
Spare my luve, thou feathery snaw,
Drifting o'er the frozen plain !
When the shades of evening creep
O'er the day's fair, gladsome e'e,
Sound and safely may he sleep,
Sweetly blithe his waukening be!
He will think on her he loves,
Fondly he'll repeat her name;
For where'er he distant roves,
Jockey's heart is still at hame.
Y Peggy's face, my Peggy's form,
The frost of hermit age might warm;
My Peggy's worth, my Peggy's mind,
Might charm the first of humankind.
The lily's hue, the rose's dye,
The kindling lustre of an eye;
Who but owns their magic sway!
Who but knows they all decay!
The tender thrill, the pitying tear,
The generous purpose, nobly dear,
The gentle look, that rage disarms-
These are all immortal charms.
in the morning's no for me,
Up in the morning early;
When a' the hills are cover'd wi' snaw,
I'm sure it's winter fairly.
Cauld blaws the wind frae east to west,
The drift is driving sairly;
Sae loud and shrill I hear the blast,
I'm sure it's winter fairly.
The birds sit chittering in the thorn,
A' day they fare but sparely;
And lang's the night frae e'en to morn,
I'm sure it's winter fairly.
HOUGH cruel fate should bid us part,
Far as the pole and line,
Her dear idea round my heart
Should tenderly entwine.
Though mountains frown, and deserts howl,
And oceans roar between ;
Yet, dearer than my deathless soul,
I still would love my Jean.
I DREAM'D I LAY WHERE FLOWERS WERE
DREAM'D I lay where flowers were springing
Gaily in the sunny beam,
Listening to the wild birds singing,
By a falling, crystal stream:
Straight the sky grew black and daring:
Through the woods the whirlwinds rave;
Trees with aged arms were warring,
O'er the swelling, drumlie wave.
Such was my life's deceitful morning,
Such the pleasure I enjoyed;
But lang or noon, loud tempests, storming,
A' my flowery bliss destroy'd.
Though fickle Fortune has deceived me
(She promis'd fair, and perform'd but ill),
Of mony a joy and hope bereaved me,
I bear a heart shall support me still.
BEWARE O' BONNIE ANN.
YE gallants bright, I rede ye right,
Beware o' bonnie Ann;
Her comely face sae fu' o' grace
Your heart she will trepan.
Her een sae bright, like stars by night,
Her skin is like the swan ;
Sae jimply laced her genty waist,
That sweetly ye might span.
Youth, Grace, and Love, attendant move,
And Pleasure leads the van;
In a' their charms, and conquering arms,
They wait on bonnie Ann.
The captive bands may chain the hands,
But love enslaves the man :
Ye gallants braw, I rede you a',
Beware o' bonnie Ann!
O fetch to me a pint o' wine,
And fill it in a silver tassie,
That I may drink, before I go,
A service to my bonnie lassie ;
The boat rocks at the pier o' Leith;
Fu' loud the wind blaws frae the ferry;
The ship rides by the Berwick Law,
And I maun leave my bonnie Mary.
|