Philly and Willy

Philly and Willy

TUNE-" The sow's tail."

O

HE.

PHILLY, happy be that day

When, roving thro' the gather'd hay,

My youthfu' heart was stown away,

And by thy charms, my Philly.

SHE.

O Willy, aye I bless the grove
Where first I own'd my maiden love,
Whilst thou didst pledge the Powers above
To be my ain dear Willy.

BOTH.

For a' the joys that gowd can gie,

I dinna care a single flie,

The {lad I love's the

lass

An that's my ain dear {

HE.

lad

lass

}

for me,

As songsters of the early year
Are ilka day mair sweet to hear,

So ilka day to me mair dear
And charming is my Philly.

SHE.

As on the brier the budding rose
Still richer breathes and fairer blows,

So in my tender bosom grows

The love I bear my Willy.

BOTH.-For a' the joys, etc.

HE.

The milder sun and bluer sky,
That crown my harvest cares wi' joy,
Were ne'er sae welcome to my eye
As is a sight o' Philly.

SHE.

The little swallow's wanton wing,
Tho' wafting o'er the flowery spring,
Did ne'er to me sic tidings bring
As meeting o' my Willy.

BOTH. For a' the joys, etc.

HE.

The bee that thro' the sunny hour
Sips nectar in the opening flower,
Compar'd wi' my delight is poor,
Upon the lips o' Philly.

SHE.

The woodbine in the dewy weet,
When evening shades in silence meet,
Is na sae fragrant or sae sweet

As is a kiss o' Willy.

BOTH.-For a' the joys, etc.

HE.

Let Fortune's wheel at random rin,

And fools may tine, and knaves may win;
My thoughts are a' bound up in ane,
And that's my ain dear Philly.

SHE.

What's a' the joys that gowd can gie!
I care na wealth a single flie;

The lad I love's the lad for me,

And that's my ain dear Willy.
BOTH.-For a' the joys, etc.

My Katy

Contented wi' Little

C

TUNE-"Lumps o' Pudding."

'ONTENTED wi' little, and cantie wi' mair, Whene'er I forgather wi' Sorrow and Care,

I gie them a skelp as they're creepin' alang, Wi' a cog o' guid swats, and an auld Scottish sang.

I whiles claw the elbow o' troublesome thought; But Man is a sodger, and Life is a faught:

My mirth and guid humour are coin in my pouch, And my freedom's my lairdship nae monarch dare

touch.

A towmond o' trouble, should that be my fa',
A night o' guid fellowship sowthers it a';
When at the blythe end of our journey at last,
Wha the deil ever thinks o' the road he has past?

Blind Chance, let her snapper and stoyte on her

way,

Be't to me, be't frae me, e'en let the jad gae: Come ease, or come travail; come pleasure or pain,

My warst word is "Welcome, and welcome again!"

My Katy

Is

TUNE-" Roy's Wife."

S this thy plighted, fond regard,
Thus cruelly to part, my Katy?
Is this thy faithful swain's reward--
An aching, broken heart, my Katy?

CHORUS.

Canst thou leave me thus, my Katy?
Canst thou leave me thus, my Katy?
Well thou know'st my aching heart,

And canst thou leave me thus for pity?

Farewell! and ne'er such sorrows tear
That fickle heart of thine, my Katy!
Thou may'st find those will love thee dear-
But not a love like mine, my Katy.
Canst thou, etc.

My Nannie's Awa

TUNE-" There'll never be peace till Jamie comes hame."

Now

OW in her green mantle blythe Nature arrays, And listens the lambkins that bleat o'er the braes,

While birds warble welcomes in ilka green shaw: But to me it's delightless-my Nannie's awa.

The snaw-drap and primrose our woodlands adorn,
And violets bathe in the weet o' the morn:
They pain my sad bosom, sae sweetly they blaw:
They mind me o' Nannie-and Nannie's awa.

Thou laverock that springs frae the dews o' the lawn,

The shepherd to warn o' the grey-breaking dawn, And thou, mellow mavis, that hails the night-fa', Gie over for pity-my Nannie's awa.

Come Autumn sae pensive, in yellow and grey, And soothe me wi' tidings o' Nature's decay; The dark, dreary winter, and wild-driving snaw, Alane can delight me-now Nannie's awa.

WAE

For the Sake o' Somebody

The Tear-Drop

AE is my heart, and the tear's i' my e'e; Lang, lang, joy's been a stranger to me: Forsaken and friendless my burden I bear, And the sweet voice o' pity ne'er sounds in my ear.

Love, thou hast pleasures, and deep hae I loved; Love, thou hast sorrows, and sair hae I proved: But this bruised heart that now bleeds in my breast, I can feel its throbbings will soon be at rest.

O if I were where happy I hae been

Down by yon stream and yon bonnie castle green; For there he is wand'ring and musing on me, Wha wad soon dry the tear frae Phillis's e'e.

For the Sake o' Somebody

TUNE-"The Highland Watch's Farewell."

Μ'

Y heart is sair, I daurna tell,

My heart is sair for Somebody;

I could wake a winter night,

For the sake o' Somebody!
O-hon! for Somebody!

O-hey! for Somebody!

I could range the world around,
For the sake o' Somebody.

Ye Powers that smile on virtuous love,

O, sweetly smile on Somebody!

Frae ilka danger keep him free,
And send me safe my Somebody.
O-hon! for Somebody!
O-hey! for Somebody!

I wad do-what wad I not?
For the sake o' Somebody!