V.

Ad Juliam lacrymantem.

EHEU! Julia cara, delicatæ

Quid pallent tibi gratiæ genarum ?
Quid muto lacrymans hebet dolore
Quondam lætitia nitens ocellus ?
Sed tecum Charites, sed ipse moret
In vultu gremioque seminudo
Servans excubias Amor fideles.
At tu, Julia, simplici corolla
Fluentes humero liga capillos,
Et priscos pete, sic venusta, lusus,
Risus flexanimos, brevesque rixas.
Sic te, inter niveas tuas sodales,
Designet lepidæ decus choreæ
Iste lucidus et loquax ocellus,
Suavis arbiter elegantiarum.

W. H.

VI.

Naufragus.

Ἐν δὲ θαλάττη

πλεῖστα πολυκλαύτου κήδεα ναυτιλίης.

QUOD superest solum, pulsati fluctibus udas
Corporis exuvias, relliquasque trabis,
Hac tibi votiva sacro, Neptune, tabella,
Gratus ab infidis navita sospes aquis.

Ah! pereat, quicunque cavas Aquilonibus alnos
Credidit, et vetitum trans mare rupit iter.
Ecce! susurranti blanditur murmure ventus,
Undaque crispatis ridet aprica vadis.

Mox, ubi mutati niger ingruet ætheris horror,

Per tenebras rarum fulgura lumen erunt.

Tumque frement clamorque virûm rabiesque procellæ,

Sternet et exanimis fortia corda metus.

Siccine longinquis redeo ditatus ab oris?

Hæccine sunt duræ præmia tanta viæ?

Eger, inops, exspes, scopulis laceratus acutis,

Hoc lucror a varia merce?

Valete rates.

B.

VII.

In Nonas Novembres.

TUMULTUOSUM cum rate Belgica Vilhelmus æquor scinderet, ut potens Hospes laborantes Britannos

Servitio eriperet: furentem Neptunus undam stravit, ut advenæ Fata auspicati diceret. "I; piam Pugnam capessens, i, secundo

Omine per mea regna tutus,
Dum destinatam veneris insulam,

Quæ læta frondoso accipiet sinu
Te, grande tutamen petitum

Imperiis, miseræque genti.

Io! Britannis, ille dies, meis
Qui pulcer olim funera depulit,
Gentique devotæ paratas

Prodidit insidias ruinæ.

Majore crescit laude recentior,
Te bellicosis cum sociis ferens,

O magne libertatis ultor!

Incolumem Angliacas ad oras:

Te, cujus ultro vivida Martiis
Minis tyrannus femineo metu
Horrebit ora, ac terga retro

Versa fugæ dabit indecoræ.
Qualis tenellos, exitium gregis,
Prædatus agnos de stabulo lupus
In valle prospectum repente
Contremuit fugiens leonem.

Pulso tyranno, jam video tuis
Armis Iernen plaudere, et hostico

Cruore perfusum Boïnam

Purpureos agitare fluctus.

Post hoc, sinistris usque laboribus
Movebit ensem serus inutilem,

Volvetque cum Gallis inanes

Insidias furialis exul.

Regna ordinabis providus arbiter,

Vanæque Galli fræna superbiæ

Ingrata ponet, Te ministro

Rite sui Themis usa juris.

Hinc magne vindex! te colet ultimis
Europa terris, o acie gravis

Bellator! o felix remotas

Foederibus sociare gentes."

W.

ÆRIS inops mentisque, Libo nil præter avorum
Nomina, non uno ditior asse crepat.

Aurea si staret, quæ cerea nunc stat imago,
Crede mihi, antiquos venderet ille patres!

B.

IX.

Lines inscribed on the Tomb of Miss Brougham,

ONLY DAUGHTER OF LORD AND LADY BROUGHAM,

WHO DIED AT THE AGE OF XVIII.

BLANDA Anima e cunis heu! longo exercita morbo Inter maternas heu! lacrymasque patris,

Quas risu lenire tuo jucunda solebas,

Et levis, et proprii vix memor ipsa mali: I pete cœlestes ubi nulla est cura recessus !

Et tibi sit nullo mista dolore quies!

W.